విరాట్ కోహ్లీ బయోపిక్‍లో ఎవరు నటిస్తే బాగుంటుందో చెప్పిన రణ్బీర్
దిశ, సినిమా: బాలీవుడ్ స్టార్ హీరో రణ్బీర్ కపూర్ నటిస్తున్న తాజా చిత్రం ‘యానిమల్’. సందీప్ రెడ్డి వంగా దర్శకత్వం వహించిన ఈ మూవీ డిసెంబర్ 1న థియేటర్లలో రిలీజ్ కానుంది. ఇక విడుదల దగ్గర పడుతుండటంతో వరుస ప్రమోషన్లు చేస్తుంది మూవీ టీం. ఇందులో భాగంగా తాజాగా ప్రస్తుతం జరుగుతున్న వన్డే ప్రపంచ కప్ మ్యాచ్‌లోనూ ఈ టీమ్ ప్రమోషన్స్ నిర్వహించింది. భారత్, న్యూజిలాండ్ మధ్య జరిగే సెమీఫైనల్‍కు రణ్బీర్ కపూర్ హాజరయ్యాడు. అయితే ఈ క్రమంలో ఇండియన్ స్టార్ బ్యాట్స్‌మన్ విరాట్ కోహ్లీ బయోపిక్ ప్రస్తావన రాగా స్పందించాడు.
‘నా ఫేవరేట్ క్రికెటర్ విరాట్ కోహ్లీ. ఒకవేళ ఆయన బయోపిక్ చేస్తే నేనే నటిస్తాను. ఎందుకంటే చాలా మంది నటుల కంటే విరాట్ కోహ్లీ చూడడానికి చాలా బాగుంటారు. ఫిట్‍నెస్ విషయంలోనూ చాలా మెరుగ్గా ఉంటాడు’ అని రణ్బీర్ చెప్పాడు. అలాగే ‘2011లో వాంఖడే స్టేడియంలో ఎంఎస్ ధోనీ ప్రపంచకప్ టైటిల్‍ను చేతపట్టడం నేను చూశా. ఈ రోజు విరాట్ కోహ్లీ, రోహిత్ శర్మ బాగా ఆడతారని ఆశిస్తున్నాను’ అన్నాడు రణ్బీర్.
