బర్త్ డే సందర్భంగా రామ్ చరణ్ రేర్ అండ్ క్యూట్ ఫొటోస్ వైరల్

దిశ, సినిమా: మెగాస్టార్ చిరంజీవి తనయుడిగా సినీ ఇండస్ట్రీకి ఎంట్రీ ఇచ్చి.. నేడు ప్రపంచవ్యాప్తంగా గుర్తింపు దక్కించుకున్నాడు రామ్ చరణ్. ‘17 సంవత్సరాల క్రితం ‘చిరుత’ సినిమాతో సినీ కెరీర్ ను ప్రారంభించాడు. తర్వాత ఆరెంజ్ మూవీలో నటించాడు. మొదట్లో రామ్ చరణ్ కు నటన రాదని విమర్శించిన వారితోనే ‘రంగస్థలం’ చిత్రంలో అద్భుతంగా నటించి తిరిగి ప్రశంసలు కురిపించేలా కసిగా నటించి మెప్పించాడు. చిట్టిబాబు పాత్రలో నటించి నవ్వించాడు.

అలాగే ప్రేక్షకులకు కంటతడి కూడా పెట్టించి నటనలో తండ్రికి తగ్గ తనయుడు అనిపించుకున్నాడు. తర్వాత గోవిందుడు అందరివాడేలే, ధృవ, ఎవరు, వినయ విధేయ రామ, మగధీర, ఆర్ఆర్ఆర్ సినిమాల్లో నటించి.. ఇప్పుడు ఏకంగా గ్లోబల్ స్టార్ అనే ట్యాగ్ సంపాదించుకున్నాడు. అయితే నేడు రామ్ చరణ్ పుట్టిన రోజు సందర్భంగా మెగా ఫ్యాన్స్ సోషల్ మీడియాలో చరణ్‌కు పెద్ద ఎత్తున శుభాకాంక్షలు తెలియజేస్తున్నారు. ఈ క్రమంలో చరణ్ రేర్ ఫొటోలు సోషల్ మీడియాలో వైరల్ అవుతున్నాయి. ఆకట్టుకుంటోన్న రామ్ చరణ్ క్యూట్ ఫొటోస్ ను మీరు కూడా ఓ లుక్కేయండి.