Priyanka Arul Mohan: షూటింగ్ గ్యాప్‌లో కూడా ఆ డ్రెస్సులోనే తిరుగుతున్న హీరోయిన్.. నెట్టింట ఫొటోలు వైరల్

దిశ, సినిమా: నాని ‘గ్యాంగ్ లీడర్’ సినిమాతో టాలీవుడ్ ఎంట్రీ ఇచ్చిన బ్యూటీ ప్రియాంకా అరుళ్ మోహన్. మొదటి చిత్రంతోనే తన నటనతో, అందంతో మంచి గుర్తింపు తెచ్చుకున్న ఈ అమ్మడు.. తర్వాత ‘శ్రీకారం, ఈటీ, రావణాసుర’ వంటి సినిమాల్లో నటించి మెప్పించింది. ఇప్పుడు మరోసారి నేచురల్ స్టార్ నానికి జంటగా నటిస్తుంది. నాని హీరోగా వివేక్ ఆత్రేయల కాంబోలో వస్తున్న సినిమా ‘సరిపోదా శనివారం’. ఎంతో ప్రతిష్టాత్మకంగా తెరకెక్కిస్తున్న ఈ మూవీలో ప్రియాంకా అరుళ్ మోహన్ ‘కానిస్టేబుల్ చారులత’ అనే పాత్రలో అలరించనుంది. ఈ క్రమంలోనే ఈ బ్యూటీ షూటింగ్ గ్యాప్‌లో కూడా కానిస్టేబుల్ గెటప్‌లోనే ఉంటుందట. ఇందుకు సంబంధించిన ఫొటోలు సైతం నెట్టింట వైరల్ అవుతున్నాయి. అందులో కాఫీ తాగుతూ స్టైలిష్‌గా కూర్చున్న కానిస్టేబుల్ చారులత (ప్రియాంకా అరుళ మోహన్) ఫొటోస్ చూసి ఫ్యాన్స్ ఫిదా అవుతున్నారు.