స్టార్ హీరో డైరెక్షన్‌లో ప్రభాస్ మూవీ.. సాలిడ్ స్టోరీ రెడీగా ఉందట!
దిశ, సినిమా: యంగ్ రెబల్ స్టార్ ప్రభాస్ మరో బిగ్ ప్రాజెక్ట్‌కు గ్రీన్ సిగ్నల్ ఇచ్చినట్లు తెలుస్తోంది. ఇప్పటికే 3 సినిమాలకు సైన్ చేసి మరోరెండు సినిమాలు చేతిలో పెట్టుకున్న ఆయన.. ఇప్పుడు మలయాళం హీరో పృథ్వీరాజ్ సుకుమారన్ దర్శకత్వంలో మూవీ చేసేందుకు రెడీ అవుతున్నట్లు టాక్ వినిపిస్తోంది. ప్రశాంత్ నీల్-ప్రభాస్ కాంబోలో వస్తు్న్న ‘సలార్’లో విలన్ రోల్ పోషిస్తున్న పృధ్విరాజ్‌కు పొటెన్షియల్ డైరెక్టర్‌గా మంచి పేరున్న విషయం తెలిసిందే. కాగా అంతకముందు చేసిన ‘లూసిఫర్’, ‘బ్రో డాడీ’ లాంటి సినిమాల్లో నటిస్తూనే డైరెక్ట్ చేసిన పృధ్విరాజ్‌కు ఈ సినిమాలు మంచి హిట్ ఇవ్వడంతో తెలుగులోనూ భారీ క్రేజ్ క్రియేట్ అయింది. దీంతో ప్రభాస్ రేంజ్‌, ఇమేజ్‌కు తగ్గట్లుగా సాలిడ్ స్టోరీని రెడీ చేసి ప్రభాస్‌కు వినిపించగా డార్లింగ్ ఓకే చెప్పాడని సమాచారం. అంతేకాదు ‘కల్కి’ మూవీ రిలీజ్ తర్వాత ఈ ప్రాజెక్ట్ పట్టాలెక్కబోతుందని తెలుస్తోంది.
