ఫ్యాన్స్‌కు భారీ గుడ్‌న్యూస్: బాలీవుడ్ హీరోయిన్‌తో ప్రభాస్ పెళ్లి.. నిశ్చితార్థం ప్లేస్ ఫిక్స్..!
దిశ, సినిమా: బాహుబలి చిత్రంతో టాలీవుడ్ ఇండస్ట్రీని షేక్ చేసిన రెబల్ స్టార్ ప్రభాస్ గురించి సుపరిచితమే. ఈ పాన్ ఇండియా స్టార్ పెళ్లి చేసుకుంటే చూడాలని వారి కుటుంబ సభ్యులతో పాటు అభిమానులంతా ఎంతగానో ఎదురు చూస్తున్నారు. ఇండస్ట్రీలో యంగ్ హీరోలు సైతం పెళ్లి చేసుకుని ఎంతో హ్యాపీగా ఉన్నారు. సీనియర్ హీరో అయిన ప్రభాస్ మాత్రం వివాహం చేసుకోకుండా మోస్ట్ ఎలిజిబుల్ బ్యాచిలర్ గా పేరు సంపాదించుకున్నాడు.
ఈ హీరో పెళ్లి వార్తలతో తరచూ వార్తల్లో నిలుస్తూనే ఉంటాడు. ఇటీవలే ప్రభాస్ - టాలీవుడ్ హీరోయిన్ అనుష్క శెట్టి తో వివాహం అయినట్లు ఓ బాబు కూడా జన్మించినట్లు సృష్టించి.. పలువురు నెటిజన్లు సోషల్ మీడియాలో ఫుల్ వైరల్ చేశారు. అలాగే వీరిద్దరు వివాహం చేసుకుంటే చూడాలని ఫ్యాన్స్ ఎప్పటినుంచో కోరుకుంటున్నారు. గత ఏడాది దసరా నవరాత్రి ఉత్సవాల్లో సందర్భంగా ప్రభాస్ పెద్దమ్మ శ్యామలా దేవి విజయవాడ దుర్గమ్మను దర్శించుకునేందుకు వెళ్లినప్పుడు.. మీడియా కంటపడటంతో ప్రభాస్ పెళ్లి ప్రస్తావన తీసుకొచ్చారు. వచ్చే ఏడాది తప్పకుండా ప్రభాస్ పెళ్లి జరగనుందని వెల్లడించింది.
రీసెంట్‌గా వచ్చే ఏప్రిల్ లో ప్రభాస్ పెళ్లి అంటూ వార్తలు వచ్చాయి. తాజాగా బాలీవుడ్ హీరోయిన్ కృతి సనన్‌తో త్వరలోనే ఎంగేజ్‌మెంట్ జరగబోతుందంటూ.. వీరిద్దిరకి నిశ్చితార్థం వేదికను మాల్దీవుల్లో ఫిక్స్ చేశారని, వచ్చేవారం ఎంగేజ్‌మెంట్ జరగనుందని నెట్టింట టాక్ వినిపిస్తుంది. ఇక అప్పట్లో కృతి సనన్‌తో లవ్ లో ఉన్నారంటూ జోరుగా వార్తలు వినిపించాయి. కానీ ఆ వార్తలపై రెబల్ స్టార్ ఎప్పుడు స్పందించలేదు. ఈ వార్త ఎంతవరకు నిజమో తెలియదు కానీ ప్రస్తుతం సోషల్ మీడియాలో మాత్రం రెబల్ స్టార్ ఫ్యాన్స్ ఈ న్యూస్‌ను తెగ వైరల్ చేస్తున్నారు.
