సొంతూరు కోసం రూ. 200 కోట్లు ఖర్చు చేస్తోన్న ప్రభాస్.. ఏం చేస్తున్నారంటే?
దిశ, సినిమా: పాన్ ఇండియా స్టార్ ప్రభాస్ గురించి ప్రత్యేకంగా చెప్పాల్సిన అక్కర్లేదు. రీసెంట్ గా ప్రశాంత్ నీల్ దర్శకత్వంలో తెరకెక్కిన ‘సలార్ ’ చిత్రంతో బ్లాక్ బస్టర్ హిట్ ను తన ఖాతాలో వేసుకున్నాడు. శృతిహాసన్ కథానాయికగా నటించిన ఈ మూవీ సూపర్ డూపర్ హిట్‌గా నిలిచింది. ప్రస్తుతం రెబల్ స్టార్ ‘కల్కి 2898’ సినిమాలో నటిస్తున్నారు. నాగ్ అశ్విన్ దర్శకత్వంలో తెరకెక్కుతోన్న ఈ మూవీ షూటింగ్‌ శరవేగంగా జరుపుకుంటోంది.
ఇకపోతే మేకర్స్ ఇప్పటికే విడుదల తేదీని రెండు సార్లు మార్చడంతో రెబల్ స్టార్ ఫ్యాన్స్ నిరాశ చెందుతున్నారు. లేటెస్ట్ అప్డేట్ ప్రకారం ఈ మూవీ మే మే 9న థియేటర్లలో గ్రాండ్ రిలీజ్ కానుంది. ఇదంతా పక్కన పెడితే.. పాన్ ఇండియా స్టార్ గురించి సోషల్ మీడియాలో ఓ వార్త వైరల్ అవుతోంది. ప్రభాస్ తన సొంత ఊరు కోసం ఏకంగా 200 రూపాయల కోట్లు ఖర్చు చేసి రోడ్లు వేయిస్తున్నాడంటూ నెట్టింట టాక్ వినిపిస్తుంది. అంతేకాకుండా తాగునీరు, ఇతర సదుపాయాలను కూడా కల్పిస్తున్నారని సమాచారం.
ఈ వార్తలో ఎంత వరకు నిజముందో తెలియదు కానీ ప్రస్తుతం సోషల్ మీడియాలోని జనాలు తెగ స్ప్రెడ్ చేస్తున్నారు. దీనిపై ఎలాంటి ప్రకటన లేనప్పటికీ రెబల్ స్టార్ ఫ్యాన్స్ ఈ పుకార్లపై మండిపడుతున్నారు. ‘మా అన్న ఇలాంటి కార్యక్రమాలను నిర్వహిస్తే తప్పకుండా ప్రభాస్ లేదా అతడి సన్నిహితుల నుంచి తప్పకుండా ఈ విషయం బయటకు వస్తుంది తప్పుడు ప్రచారాలు చేయొద్దంటూ’ పాన్ ఇండియా స్టార్ అభిమానులు ఈ కామెంట్లను కొట్టిపారేస్తున్నారు.
