Prabhas: ఇన్‌స్టాలో కేవలం 23 మందినే ఫాలో అవుతున్న ప్రభాస్.. వారు ఎవరెవరంటే?
దిశ, సినిమా: పాన్ ఇండియా స్టార్ ప్రభాస్ గురించి ప్రత్యేకంగా చెప్పాల్సిన పని లేదు. ఆయన బాహుబలి సినిమాతో ప్రపంచవ్యాప్తంగా అత్యధికంగా క్రేజ్‌ను సంపాదించుకున్నాడు. వరుస సినిమాల్లో నటిస్తూ హిట్స్ అందుకుంటూ దూసుకుపోతున్నాడు. అయితే డార్లింగ్ ఇటీవల నటించిన కల్కి ఏడి 2898 మూవీ విడుదలై బ్లాక్ బస్టర్ హిట్ అయింది. అంతేకాకుండా భారీ కలెక్షన్స్ రాబట్టి బాక్సాఫీసు వద్ద సత్తా చాటింది. విదేశాల్లోని ఎంతోమంది ప్రభాస్ అభిమానులు కల్కి సినిమాను చూసేందుకు హైదరబాద్‌కు కూడా వచ్చిన విషయం తెలిసిందే. ఆయన నటిస్తున్న సినిమాల నుంచి అప్డేట్స్ వస్తే ఫ్యాన్స్ నిమిషాల్లోనే వైరల్ చేస్తుంటారు.
ఇదిలా ఉంటే.. ప్రభాస్ ప్రజెంట్ నాలుగైదు ప్రాజెక్ట్స్‌లో నటిస్తూ ఫుల్ బిజీగా ఉన్నాడు. అయినప్పటికీ అప్పుడప్పుడూ సోషల్ మీడియాలో పలు పోస్టులు షేర్ చేస్తుంటాడు. ప్రజెంట్ డార్లింగ్ ఇన్‌స్టాలో కేవలం 23 మందినే ఫాలో అవుతున్నాడు. 12 లక్షల కంటే ఎక్కువ మంది ఫాలోవర్స్ ఉన్న ప్రభాస్.. కేవలం 23 మంది సెలబ్రిటీలను ఫాలో అవుతుండటంతో అది కాస్త నెట్టింట హాట్ టాపిక్‌గా మారింది. ప్రభాస్ ఫాలో అవుతున్న వారు ఎవరెవరో ఇక్కడ తెలుసుకుందాం.
దివంగత హీరో కృష్ణంరాజు, డైరెక్టర్ సందీప్ రెడ్డి వంగా, డైరెక్టర్ హను రాఘవపూడి, లోకనాయకుడు కమల్ హాసన్, దీపికా పదుకొణె, నటి రిద్ధీ కుమార్, ఆదిపురుష్ ఫేమ్ సన్నీ సింగ్, కృతి సనన్, ఫిల్మ్ యాక్షన్ యూనిట్ ఎడిటర్ DB బ్రాక్ మోంటెస్, నటి భాగ్యశ్రీ, డైరెక్టర్ రాధాకృష్ణ, అమితాబ్ బచ్చన్, శ్రుతి హాసన్, డైరెక్టర్ ఓం రౌత్, పూజా హెగ్డే, డైరెక్టర్ నాగ్ అశ్విన్, సాహో డైరెక్టర్ సుజిత్, శ్రద్ధా కపూర్,హీరోయిన్ మాన్వీ, నిధి అగర్వాల్, మాళవిక మోహనన్, డైరెక్టర్ మారుతి, నటుడు పృథ్వీరాజ్ సుకుమార్ వంటి వారిని ఫాలో అవుతున్నాడు. అయితే ప్రజెంట్ ఆయనతో వర్క్ చేస్తున్న వారిని మాత్రమే ప్రభాస్ ఫాలో అవుతున్నాడు. ఆయనకు బాగా క్లోజ్ ఫ్రెండ్ అయిన గోపీచంద్‌ను, టాలీవుడ్ హీరోలెవ్వరినీ ఫాలో కావడం లేదు.
