మరో లగ్జరీ హౌస్ కొనుగోలు చేసిన ప్రభాస్.. మొన్న లండన్‌లో.. ఇప్పుడేమో?
దిశ, సినిమా: పాన్ ఇండియా స్టార్ ప్రభాస్ ఇటీవలే లండన్‌లో ఓ ఇల్లు కొన్నారంటూ నెట్టింట వార్తలు కుదిపేశాయి. షూటింగ్ కోసం లండన్ వెళ్లినప్పుడు ఉండటానికి కష్టమవుతుందని, అలాగే వెకేషన్ కోసం వెళ్లినప్పుడు కూడా ఉపయోగపడుతుందని లగ్జరీ హౌస్ కొన్నట్లు సమాచారం. ఇకపోతే డార్లింగ్ తాజాగా ఇటలీలో మరో ఇల్లు కొన్నారంటూ నెటిజన్లు చర్చించుకుంటున్నారు. రీసెంట్ గా రెబల్ స్టార్ వేకెషన్ కు వెళ్లిన సమయంలో ఫ్లోరిన్స్ సిటలో ఈ హౌస్ కొన్నారట. ఈ వార్త ఎంతవరకు నిజమో తెలియదు కానీ ప్రస్తుతం నెట్టింగ తెగ వైరల్ అవుతోంది. ఫ్యాన్స్ ప్రభాస్ కు శుభాకాంక్షలు కూడా తెలియజేస్తున్నారు.
ఇక ప్రభాస్ కు హైదరాబాదులోని ఫిల్మ్ నగర్ లో ఓ లగ్జరీ హౌస్ ఉన్న విషయం తెలిసిందే. అంతేకాకుండా కోకాపేట్ లో ఓ గెస్ట్ హౌస్ కూడా కడుతున్నారు. మరోవైపు వేల ఎకరాల ల్యాండ్ ఉంది. ప్రస్తుతం ప్రభాస్ ఆస్తులు, లగ్జరీ ఇళ్లు సోషల్ మీడియాలో వైరల్ అవ్వగా జనాలు నోరెళ్లబెడుతున్నారు. వేల కోట్ల అధిపతి అంటూ పాన్ ఇండియా స్టార్ ను కొనియాడుతున్నారు.
ప్రభాస్ సినిమాల విషయానికొస్తే..
బాహుబలి చిత్రంతో రికార్డు బద్దలు కొట్టి.. ఒక్కసారిగా పాన్ ఇండియా స్టార్ గా గుర్తింపు పొందాడు. టాలీవుడ్ దర్శకుడు రూపొందించిన ఈ చిత్రం భారతదేశంలోనే బిగ్గెస్ట్ బ్లాక్ బస్టర్ గా నిలిచి సెన్సేషన్ క్రియేట్ చేసింది. రీసెంట్ గా ప్రశాంత్ నీల్ దర్శకత్వంలో ‘సలార్’ సినిమాలో నటించి భారీ వసూళ్లు కొల్లగొట్టాడు. ప్రస్తుతం ‘కల్కి 2898 ఏడీ’ అండ్ రాజా సాబ్ సినిమా షూటింగ్స్ లో బిజీగా ఉన్నాడు. ఈ సినిమాలనంతరం స్పిరిట్, సలార్-2 లో నటించనున్నారు.
