అక్కడ లగ్జరీ ఇల్లు కొన్న ప్రభాస్.. ఎంత అంటే..?
దిశ, సినిమా: టాలీవుడ్ పాన్ ఇండియా స్టార్ ప్రభాస్ ప్రస్తుతం క్షణం తీరిక లెకుండా వరుస షూటింగ్స్‌లో బిజిగా ఉన్నాడు. ‘ప్రాజెక్ట్ కే’, ‘రాజా సాబ్’, ‘సలార్ 2’ వంటి సినిమాలను పూర్తి చేసే పనిలో పడ్డాడు. ఈ మూడు సినిమాలు ఎప్పుడు రిలీజ్ అవుతాయన్నది చెప్పడం కాస్త కష్టమే కానీ ‘ప్రాజెక్ట్ కే’, ‘రాజా సాబ్’ మాత్రం ఈ ఏడాది వచ్చేలా ఉన్నాయి. ‘సలార్ 2’ వచ్చే ఏడాది వస్తుందని టాక్ . ఇక ఇదే ఏడాదిలో ‘స్పిరిట్’ మూవీ కూడా స్టార్ట్ చేస్తాడని సమాచారం.
ఇక మూవీస్ విషయం పక్కన పెడితే తాజాగా ప్రభాస్‌కు సంబంధించి ఒక సాలిడ్ న్యూస్ నెట్టింట వైర‌ల్‌గా మారింది. ఎంటంటే ఇంతకు ముందు ప్రభాస్ లండన్‌లో ఓ ఇంటిని కిరాయికి తీసుకున్నాడనే వార్తలు వచ్చాయి. కానీ ఇప్పుడు అదే ఇంటిని సొంతంగా కొనుక్కున్నాడంటూ వార్తలు వినిపిస్తున్నాయి. ఇక ప్రభాస్ రేంజ్‌కు తగ్గట్టుగానే ఆ ఇళ్లు ఉంటుందని ఇందుకు గాను భారీ మొత్తంలో కొనుగోలు చేసినట్లు వార్తలు వ‌స్తున్నాయి. కాగా దీనిపై ప్రభాస్ నుండి ఎలాంటి ప్రక‌ట‌న రాలేదు.
