సోషల్ మీడియాను షేక్ చేస్తున్న ప్రభాస్, మహేష్ ఫ్యాన్స్.. వాటి కోసం ఈగర్‌గా వెయిటింగ్..
దిశ, వెబ్‌డెస్క్: పాన్ ఇండియా స్టార్ ప్రభాస్ ‘సలార్’, సూపర్ స్టార్ మహేష్ బాబు ‘గుంటూరు కారం’ తో ప్రేక్షకుల ముందుకు వచ్చేందుకు సిద్ధంగా ఉన్నారు. ఇప్పటికే ఈ సినిమాల నుంచి రిలీజైన పోస్టర్లు, టీజర్ ఆకట్టుకోగా.. ఈ రోజు ‘సలార్’ నుంచి ఫస్ట్ సింగిల్, ‘గుంటూరు కారం’ నుంచి సెకండ్ సింగిల్ రిలీజ్ చేయనున్నట్లు మేకర్స్ అఫీషియల్ ఎనౌన్స్ మెంట్ ఇచ్చారు. ‘గుంటూరు కారం’ నుంచి ‘ఓ మై బేబీ’ అంటూ సాగే లిరికల్ వీడియో సాంగ్ సాయంత్రం 6 గంటల 3 నిమిషాలకు రిలీజ్ అవనుండగా.. ‘సలార్’ నుంచి సూరీడే అనే సాంగ్ దాదాపుగా అదే టైంలో విడుదల కానుంది.
దీంతో ఈ సాంగ్స్ కోసం ప్రభాస్, మహేష్ బాబు ఫ్యాన్స్ ఎంతో ఈగర్‌గా వెయిట్ చేస్తున్నారు. అంతే కాకుండా ఇద్దరు స్టార్ హీరోల అభిమానులు సోషల్ మీడియాను ఓ ఆట ఆడేసుకుంటున్నారు. సోషల్ మీడియా మొత్తం మాదే అన్నట్లుగా ‘#SalaarFirstSingle Trending with #OhMyBaby #MaheshBabu #Prabhas #Gunturukaaram’ అనే ట్యాగ్స్ క్రియేట్ చేసి నెట్టింట ట్రెండ్ చేస్తున్నారు. కాగా.. ‘సలార్’ డిసెంబర్ 22 న పాన్ ఇండియా లెవల్‌లో రిలీజ్ కాబోతుండగా.. ‘గుంటూరు కారం’ జనవరి 12 న ప్రేక్షకుల ముందుకు రాబోతుంది.
