పాన్ ఇండియా స్టార్ ప్రభాస్ ‘కల్కి 2898AD’ వాయిదా.. కారణం అదేనా? (వీడియో)
దిశ, సినిమా: డైరెక్టర్ నాగ్ అశ్విన్ తెరకెక్కిస్తోన్న కల్కి 2898 ఏడీ సినిమా గురించి ప్రభాస్ ఫ్యాన్స్ తెగ వెయిట్ చేస్తున్నారు. ప్రపంచవ్యాప్తంగా మే 9న ఈ సినిమా రిలీజ్ అవుతుందంటూ గతంలో ప్రకటించిన విషయం తెలిసిందే. పాన్ భారీ బడ్జెట్‌తో రూపొందుతున్న ఈ సైన్స్ ఫిక్షన్ చిత్రాన్ని నాగ్ అశ్విన్ తెరకెక్కిస్తున్నారు. కల్కిలో ప్రభాస్,దీపికా పదుకొణెలతో పాటు కమల్ హాసన్, అమితాబ్ బచ్చన్, దిశా పటాని, రాజేంద్ర ప్రసాద్, పశుపతి వంటి స్టార్స్ కీలక పాత్రల్లో కనిపించబోతున్నారు. వైజయంతీ మూవీస్ బ్యానర్‌పై ఈ చిత్రాన్ని నిర్మిస్తున్నారు. సంతోష్ నారాయణన్ ఈ సినిమాకి మ్యూజిక్ ఇస్తున్నారు. లేటెస్ట్ అప్డేట్ ప్రకారం ఈ సినిమా షూటింగ్ నిన్నటితో ముగిసినట్లు టాక్.
అయితే దీనిపై ఇంకా అధికారిక ప్రకటన రాలేదు. మరోవైపు కల్కి 2898 ఏడీ సినిమా రిలీజ్ వాయిదా వేస్తున్నట్లుగా వార్తలు వస్తున్నాయి. మే 9న రిలీజ్ కావాల్సిన ఈ సినిమాని జూన్ 20కి వాయిదా వేస్తున్నట్లుగా సమాచారం. దీనిపై ఏప్రిల్ 17న అధికారిక ప్రకటన వచ్చే అవకాశం ఉంది. ఇక వాయిదా వార్తలు తెలిసి ప్రభాస్ ఫ్యాన్స్ కాస్త నిరాశపడుతున్నారు. నిజానికి మే నెలకే సినిమాకి సంబంధించిన పోస్ట్ ప్రొడక్షన్ పనులు, ప్రమోషన్స్ అన్నీ ఈజీగా కూడా కంప్లీట్ అయిపోతాయని మూవీ టీమ్ ఎప్పటి నుంచో చెబుతుంది. ముందుగా ప్రకటించినట్లే మే 9న రిలీజ్ చేస్తామని కూడా చెప్పింది. కానీ MP ఎన్నికల నోటిఫికేషన్ రావడంతో కల్కి రిలీజ్‌‌పై అనుమానాలు ఏర్పడ్డాయి.
ఎన్నికల హడావిడిలో.. కల్కిని రిలీజ్ చేయడం రిస్క్ అని నిర్మాతలు కూడా భావిస్తున్నారు. అందుకే సినిమాను సేఫ్‌గా జూన్‌లో రిలీజ్ చేద్దామని భావిస్తున్నారట. ఇక ఈ సినిమా ప్రమోషన్స్ రెగ్యులర్‌గా కాకుండా కాస్త వెరైటీగా చేపట్టనున్నట్లు టాక్. గ్లింప్స్‌ని ప్రతిష్ఠాత్మక 'శాండియాగో కామిక్‌ కాన్‌' వేడుకలో విడుదల చేసినట్లుగానే వినూత్నంగా ప్రమోషన్స్ కూడా చేయబోతున్నారట. ఇందులోని పాత్రలను పరిచయం చేస్తూ ఓ యానిమేషన్‌ వీడియోను ఓటీటీ వేదికగా విడుదల చేయాలని ప్లాన్ చేస్తున్నట్లు సమాచారం. త్వరలోనే నెట్‌ఫ్లిక్స్‌ వేదికగా దీన్ని టెలికాస్ట్ చేయబోతున్నట్లు టాక్. అయితే భారతీయ సినీ చరిత్రలో ఇలా ఓ సినిమాను ప్రమోట్ చేయనుండటం మొదటిసారి కావడం విశేషం.
