‘దేవర’ షూటింగ్ సెట్స్ నుండి లీక్ అయిన ఎన్టీఆర్ లుక్స్.. నెటిజన్లు ఫిదా!
దిశ, సినిమా: టాలీవుడ్ స్టార్ హీరో ఎన్టీఆర్ ప్రస్తుతం దేవర మూవీ షూటింగ్‌లో ఫుల్ బిజీ అయిపోయాడు. దీని వల్ల సోషల్ మీడియాలోనూ యాక్టివ్‌గా ఉండటం లేదు. అలాగే బాలీవుడ్‌లో షారుఖ్ ఖాన్ వార్-2 షూటింగ్స్ లోనూ తారక్ పాల్గొంటున్నాడు. దీంతో తీరిక లేకుండా గడుపుతున్నాడు. అయితే దేవర మూవీ సెప్టెంబర్ 27న రిలీజ్ కాబోతుండటంతో.. ఈ మూవీ షూటింగ్ శరవేగంగా జరుగుతోంది. ఇటీవల దేవర సాంగ్ షూట్ కోసం ఫ్యామిలీతో కలిసి తారక్ థాయ్‌ల్యాండ్ వెళ్లిన విషయం తెలిసిందే.
తాజాగా, షూటింగ్ నుంచి ఎన్టీఆర్ లుక్స్ విడుదలయ్యాయి. ఈ ఫొటోను బాలీవుడ్ డాన్స్ కొరియేగ్రాఫర్ బాస్కో మార్టిన్ తన ఇన్‌స్టాగ్రామ్ వేదికగా షేర్ చేశాడు. అంతేకాకుండా ‘‘ ఎట్టకేలకు వెరీ టాలెంటెడ్ యాక్టర్ ఎన్టీఆర్ గారితో దేవరకు వర్క్ చేస్తున్నాను’’ అనే క్యాప్షన్ జత చేశాడు. అయితే ఈ ఫొటోలు ఎన్టీఆర్ స్టైలిష్ లుక్‌తో ఫ్యాన్స్‌ను ఫిదా చేశాడు. బ్లూ కలర్ షర్ట్ ధరించిన ఆయన బ్లాక్ స్పెడ్స్ పెట్టుకుని కనిపించాడు. ఇక ఈ ఫొటోను చూసిన ఫ్యాన్స్ ఫైర్ ఎమోజీలను షేర్ చేస్తున్నారు.
