మరో అరుదైన రికార్డు సొంతం చేసుకున్న ఎన్టీఆర్!

దిశ, వెబ్‌డెస్క్: ఆర్ఆర్ఆర్ చిత్రంతో ప్రపంచవ్యాప్తంగా క్రేజ్ సంపాదించుకున్నారు జూనీయర్ ఎన్టీఆర్. కొమురం భీం పాత్రలో నటించి ప్రేక్షకులను అలరించారు. ఇక అప్పటి నుంచి ఏదో ఒక ఘనతతను సాధిస్తూ తన ఖాతాలో వేసుకుంటున్నాడు. తాజాగా తారక్ మరో అరుదైన రికార్డును సొంతం చేసుకున్నాడు. బ్రిటన్‌లో పాపులర్‌ అయిన న్యూస్‌ ఛానల్ 2023కు గాను టాప్‌ 50 ఏసియన్‌ స్టార్స్‌ను ప్రకటించింది. ఈ లిస్ట్‌లో ఎన్టీఆర్ కు కూడా స్థానం దక్కింది. 25వ స్థానంలో నిలిచాడు. తెలుగు ఫిలిం ఇండస్ట్రీ నుంచి ఈ జాబితాలో నిలిచిన ఒకే ఒక తెలుగు నటుడిగా తారక్ అరుదైన ఘనతను సాధించాడు. దీంతో నందమూరి ఫ్యాన్స్ ఫుల్ ఖుషీ అవుతున్నారు. పండగ చేసుకుంటున్నారు. ప్రస్తుతం టాలీవుడ్ పరిశ్రమలో ఈ వార్త హాట్ టాపిక్‌గా మారింది.

సినిమాల విషయానికొస్తే..

ఎన్టీఆర్ ప్రస్తుతం దేవర చిత్ర షూటింగ్‌లో ఫుల్ బిజీగా ఉన్నారు. కొరటాల దర్శకత్వంలో తెరకెక్కుతున్న ఈ చిత్రంలో బాలీవుడ్ హీరోయిన్ జాన్వీ కపూర్ నటిస్తుంది. జాన్వీ ఈ సినిమాతోనే సౌత్ ఎంట్రీ ఇస్తుంది. ఇక ఇందులో విలన్‌గా బాలీవుడ్ స్టార్ సైఫ్ అలీఖాన్ కనిపించనున్నారు.