నితిన్ Robinhood అప్డేట్..స్పెషల్ పోస్టర్ రిలీజ్ చేసిన మేకర్స్

దిశ, సినిమా: కామెడీ చిత్రాల కథానాయకుడిగా వినోదాత్మక చిత్రాల్లో నటించే సీనియర్‌ నటుడు రాజేంద్రపసాద్‌ ఇప్పుడు విభిన్నమైన పాత్రలతో అలరిస్తున్నాడు. త్వరలో ఆయన ఏజెంట్‌ జాన్‌స్నో అకా జనార్థన్‌ సున్నిపెంటగా వినోదాన్ని పంచడానికి సిద్దమయ్యారు. నితిన్‌ హీరోగా నటిస్తున్న 'రాబిన్‌హుడ్‌' చిత్రంలో కీలక పాత్రలో నటిస్తున్నాడు. శుక్రవారం రాజేంద్రప్రసాద్‌ జన్మదినాన్ని పురస్కరించుకుని రాబిన్‌హుడ్‌ మూవీ మేకర్స్ ఆయన పాత్రకు సంబంధించిన పోస్టర్‌ను విడుదల చేశారు.

ఇందులో రాజేంద్రప్రసాద్‌ పాత్ర వినోదాన్ని పంచుతుందని అంటున్నారు రాబిన్‌ హుడ్‌ దర్శకుడు వెంకీ కుడుముల. ఆయన మాట్లాడుతూ ‘‘యూనిక్‌ యాక్షన్‌, హీస్ట్ కామెడీ ఎంటర్‌టైనర్‌గా చిత్రాన్ని తెరకెక్కిస్తున్నాం. రాజేంద్రప్రసాద్‌ పాత్ర, నటన ఈ చిత్రంలో అందర్ని అలరించే విధంగా ఉంటుంది' అన్నారు. మైత్రీ మూవీ మేకర్స్‌ సంస్థ నిర్మిస్తున్న ఈ చిత్రంలో నితిన్‌ సరసన శ్రీలీల కథానాయికగా నటిస్తోంది.