బాలీవుడ్‌లో శ్రీలీల తీసుకునే రెమ్యునరేషన్ ఎంతో తెలిస్తే షాక్ అవ్వాల్సిందే.. అవసరమా అంటున్న నెటిజన్లు

దిశ, వెబ్‌డెస్క్: ‘పెళ్లి సందడి’(Pelli Sandadi) సినిమాతో టాలీవుడ్ ఇండస్ట్రీకి ఎంట్రీ ఇచ్చిన యంగ్ బ్యూటీ శ్రీ లీల(Sree Leela) గురించి ప్రత్యేకంగా చెప్పాల్సిన పనిలేదు. తన ఫస్ట్ మూవీతోనే ఓవర్ నైట్ స్టార్‌గా మారిపోయింది ఈ భామ. దీంతో వరుస ఆఫర్లు క్యూ కట్టాయి. అలా దాదాపు స్టార్ హీరోలందరి సరసన నటించి మెప్పించింది. ఇక ఈ అమ్మడు డ్యాన్స్‌కి అయితే ప్రత్యేక ఫ్యాన్ ఫాలోయింగ్ ఉందని అనడంలో ఏమాత్రం అతిశయోక్తి లేదు.

రీసెంట్ సుకుమార్(Sukumar) డైరెక్షన్‌లో అల్లు అర్జున్(allu Arjun) హీరోగా, రష్మిక మందన్న(Rashmika Mandanna) హీరోయిన్‌గా నటించిన పుష్ప-2(Pushpa-2) మూవీలో శ్రీలీల ‘కిస్సిక్’(Kissik) అనే ఐటెం సాంగ్‌లో చిందులేసింది. ఆ బ్యూటీ డాన్స్‌కి ఫుల్ మార్కులే పడ్డాయి. ప్రస్తుతం ఈ ముద్దుగుమ్మ.. నితిన్(Nithin) సరసన ‘రాబిన్ హుడ్’(Robbin Hood), రవితేజ(Raviteja) ‘మాస్ జాతర’, విజయ్ దేవరకొండ(Vijay Devarakonda) నటిస్తున్న ‘VD-12’, శివ కార్తికేయన్(Sivakarthikeyan) ‘పరాశక్తి’(Parasakthi) మూవీతో పాటు బాలీవుడ్ స్టార్ హీరో సైఫ్ అలీఖాన్(Saif Ali Khan) కొడుకు ఇబ్రహీం అలీ ఖాన్(Ibrahim Ali Khan) సరసన ఓ హారర్ కామెడీ థ్రిల్లర్ సినిమాలో నటిస్తోంది.

అలా వరుస సినిమాలతో బిజీగా ఉన్నప్పటికీ చదువులోనూ యాక్టీవ్‌గా ఉంటూ తన పై చదువులు పూర్తి చేసుకుంటుంది. అంతేకాకుండా నిత్యం సోషల్ మీడియా(social Media)లోనూ నిత్యం యాక్టీవ్‌గా ఉంటూ తన హాట్ హాట్ ఫొటోలతో కుర్రకారుకు హీట్ పుట్టిస్తోంది. ఈ క్రమంలో ఈ భామకు సంబంధించిన ఓ న్యూస్ సోషల్ మీడియాలో వైరల్ అవుతోంది. వివరాల్లోకి వెళితే..

ప్రస్తుతం శ్రీలీలను టాలీవుడ్ సినిమాలకు ఒప్పించాలంటే క‌నీసం రూ.3 కోట్లు స‌మ‌ర్పించుకోవాల్సిందే. అంత ఇస్తాన‌న్నా ప్ర‌స్తుతానికి త‌న కాల్షీట్లు సిద్ధంగా లేవు. అంత బిజీ. ఇంత హ‌డావుడిలోనూ హిందీలో ఓ సినిమా చేస్తోంది. కార్తీక్ ఆర్య‌న్ హీరోగా రూపొందిస్తున్న సినిమాలో త‌నే క‌థానాయిక‌. ఇటీవ‌లే టీజ‌ర్ విడుద‌లైంది. దీపావ‌ళికి ఈ మూవీ రిలీజ్ కాబోతుంది.

అయితే ఈ సినిమా కోసం శ్రీ‌లీల అందుకొన్న పారితోషికం రూ.1.75 కోట్ల‌ని స‌మాచారం. అంటే దాదాపుగా తెలుగులో అందుకొంటున్న పారితోషికానికి స‌గం అన్న‌మాట‌. నిజానికి బాలీవుడ్‌లో పారితోషికాలు ఎక్కువ ఉంటాయి. కాక‌పోతే మ‌న ద‌గ్గ‌ర్నుంచి అక్క‌డ‌కు వెళ్తే గీచి గీచి బేరాలు ఆడ‌తారు. దీంతో స్టార్ హీరోయిన్‌గా రాణిస్తున్న నువ్వు ఇంత తక్కవ రెమ్యునరేషన్ తీసుకోవడం అవసరమా అంటూ నెటిజన్లు, ఫ్యాన్స్ కామెంట్స్ చేస్తున్నారు. కాగా ఇటీవ‌ల ర‌ష్మిక బాలీవుడ్ లో `చావా`లో న‌టించింది. అక్క‌డ త‌న‌కు రూ.4 కోట్ల పారితోషికం అందింద‌ని టాక్‌.