ఆ డ్యాన్స్ ఏంటి నాయనా.. కొరియోగ్రఫీ చేసిన శేఖర్ మాస్టర్ పై ఫైర్ అవుతున్న నెటిజెన్స్

దిశ, సినిమా: రవితేజ హీరోగా తెరకెక్కుతున్న మూవీ మిస్టర్ బచ్చన్. రీమేక్ గా రూపొందుతున్న ఈ మూవీపై మాస్ మహారాజ్ ఫ్యాన్స్ కి భారీ అంచనాలున్నాయి. హరీష్ శంకర్ ఈ మూవీకి దర్శకత్వం వహిస్తున్నారు. ఈ సినిమాతో రవితేజ మళ్లీ ఫామ్ లోకి వస్తాడనేది చూడాలి. రీసెంట్ గా విడుదలైన అయిన గ్లీమ్ప్స్ కి కూడా సూపర్ రెస్పాన్స్ వచ్చింది. ఈ మూవీతో భాగ్య శ్రీ బోర్సే హీరోయిన్ గా తెలుగు సినీ ఇండస్ట్రీకి పరిచయమవుతుంది.

తాజాగా, ఈ మూవీ నుంచి ‘సితార్’ పేరుతో ఫస్ట్ లిరికల్ పాటను విడుదల చేసారు మేకర్స్. పాట వినడానికి బాగానే ఉన్నా.. పాటలో ఉన్న డ్యాన్స్ స్టెప్పులు చూసి నెటిజన్స్ మండిపడుతున్నారు. ముందు ఈ సాంగ్ కి కొరియోగ్రఫీ చేసిన వారిని అనాలంటున్నారు.

ఈ సాంగ్ కి డ్యాన్స్ స్టెప్పులు కంపోజ్ చేసింది ఎవరో కాదు శేఖర్ మాస్టర్. మీ నుంచి ఇలాంటివి మేము ఎక్స్ పెక్ట్ చేయడం లేదు. రవితేజాకి ఎంత వయస్సు ఉంది ఆ హీరోయిన్ కి ఎంత వయస్సు ఉంది.. కొంచం చూసుకోవాలి కదా.. కూతురు లాంటి అమ్మాయి నడుమ మీద చేతులేస్తూ ఆ డ్యాన్స్ ఏంటి నాయనా అంటూ మండిపడుతున్నారు. ఈ పాటని మళ్ళీ రీషూట్ చేయాలనీ రవితేజ డై హార్ట్ ఫ్యాన్స్ డిమాండ్ చేస్తున్నారు. ఇలాంటి చెత్త స్టెప్పులు ఇంకోసారి కంపోజ్ చేయొద్దు అంటూ నెటిజన్లతో పాటు ప్రేక్షకులు కూడా విమర్శిస్తున్నారు.