'వెయ్ దరువెయ్'.. టైటిల్ సాంగ్ రిలీజ్ చేసిన Naga Chaithanya..!
దిశ, సినిమా: సాయి రామ్ శంకర్, నవీన్ రెడ్డి కాంబోలో వస్తున్న చిత్రం 'వెయ్ దరువెయ్'. ఫిబ్రవరి 24న విడుదల కాబోతున్న సినిమా నుంచి నటుడు నాగ చైతన్య చేతుల మీదుగా టైటిల్ సాంగ్ రిలీజ్ చేయించారు మేకర్స్. ఈ సందర్భంగా మాట్లాడిన చైతు.. 'ఈ పాట ఇంట్రెస్టింగ్‌గా ఉంది. సినిమా చూడాలనే కుతూహలాన్ని పెంచుతోంది. కచ్చితంగా సక్సెస్ అవ్వాలని కోరుకుంటున్నా. సినిమాలో పనిచేసిన వాళ్లకు మంచి భవిష్యత్తు ఉంది' అన్నాడు. సాంగ్ రిలీజ్ చేసిన అక్కినేని నాగ చైతన్యకు హృదయపూర్వక ధన్యవాదాలు తెలిపిన సాయి రామ్.. ఈ బెస్ట్ డాన్స్ నెంబర్ ప్రేక్షకులకు తప్పకుండా నచ్చుతుందన్నాడు. ఈ చిత్రం శంకర్ కెరీర్‌లో నిలిచిపోయేలా ఆదరణ పొందుతుందన్నారు దర్శకనిర్మాతలు. యాశ శివ కుమార్ కథానాయికగా నటించిన సినిమాలో సునీల్, కాశీ విశ్వనాథ్ , పోసాని కృష్ణ మురళి, పృథ్వీ కీలక పాత్రలు పోషించగా.. భీమ్స్ సంగీతం అందించాడు.
