ప్రభాస్ బావ ‘కల్కి’ చూశానంటూ.. ట్వీట్ చేసిన మోహన్ బాబు
దిశ, సినిమా: ప్రభాస్ హీరోగా తెరకెక్కిన మూవీ ‘కల్కి2898AD’. దీపికా పదుకొనె, అమితాబ్ బచ్చన్, కమల్ హాసన్ కీలక పాత్రల్లో నటించారు. ఈ మూవీ బాక్సాఫీస్ దగ్గర రికార్డులు బ్రేక్ చేస్తుంది. నాగ్‌ అశ్విన్‌ దర్శకత్వం వహించిన ఈ చిత్రానికి సినీ ప్రముఖులు, ప్రేక్షకుల నుంచి మంచి ప్రశంసలు వస్తున్నాయి. సూపర్ స్టార్ రజనీకాంత్ ఇప్పటికే ఈ సినిమాపై ప్రశంసలు కురిపించగా తాజాగా కలెక్షన్ కింగ్ మోహన్ బాబు కూడా సినిమా చూసి తన అభిప్రాయాన్ని పంచుకున్నారు.
మోహన్ బాబు ట్విట్టర్ వేదికగా “కల్కి” చిత్రాన్ని ప్రశంసించారు. దీనిపై ఆయన ట్వీట్ చేశారు. .” ఈ రోజే ‘కల్కి’ మూవీ చూశాను. మహాద్భుతం.. మా బావ ప్రభాస్‌కి, అమితాబ్ బచ్చన్ గారికి, నిర్మాతకు, దర్శకుడికి నా అభినందనలు" అంటూ రాసుకొచ్చారు. అయితే, ఆ ట్వీట్‌లో ప్రభాస్‌ని తన బావగా పేర్కొన్నాడు. మోహన్ బాబు ప్రభాస్ ను తన బావ అని ముద్దుగా పిలుస్తాడు.
బుజ్జిగాడు మూవీలో వీరిద్దరూ నటించిన విషయం తెలిసిందే. ఈ సినిమాలో త్రిషకి అన్నయ్యగా మోహన్ బాబు నటించారు. అంటే ప్రభాస్ బావమరిది. ఈ మూవీ క్లైమాక్స్‌ లో ప్రభాస్, మోహన్ బాబుని బావ అని కూడా పిలుస్తాడు. అప్పటి నుంచి ఇద్దరి మధ్య మంచి బంధం ఏర్పడింది. మోహన్ బాబు నిజ జీవితంలో కూడా ప్రభాస్ ని తన బావగా పిలుస్తుంటాడు.
- Tags
- Kalki 2898 AD
