తెలుగు సీరియల్లో కుమారి ఆంటీ.. వైరలవుతోన్న ప్రోమో..!!

దిశ, సినిమా: ఇటీవల కుమారి ఆంటీ పేరు సోషల్ మీడియాలో ఏ రేంజ్ లో మారుమోగిందో ప్రత్యేకంగా చెప్పుకోనవసరం లేదు. గుడివాడ నుంచి హైదరాబాదు నగరానికి వచ్చి ఇక్కడ రోడ్ సైడ్ మధ్యాహ్నం భోజనం అమ్ముకునే ఒక మహిళనే కుమారి ఆంటీ. సోషల్ మీడియాలో ఈ ఆంటీ ఫుడ్ వీడియోలు వైరల్ కావడంతో జూబ్లీహిల్స్ లో ఉన్న ఆమె ఫుడ్ సెంటర్ వద్దకు జనాలు భారీ సంఖ్యలో తరలి వెళ్తున్నారు.

ఈ క్రమంలో ట్రాఫిక్ జామ్ ఏర్పడటంతో అధికారులు.. ట్రాఫిక్ కు అంతరాయం కలుగుతుందని.. కుమారి ఆంటీ ఫుడ్ సెంటర్ తొలగించాలని హెచ్చరించారు. దీంతో ఏకంగా తెలంగాణ ముఖ్యమంత్రి రేవంత్ రెడ్డి స్పందించి.. కుమారి ఆంటీ ఫుడ్ సెంటర్ తీసేయడానికి వీల్లేదని ఆదేశాలు జారీ చేశాడు. ఇక ఈ ఆంటీ సోషల్ మీడియాలో వైరల్ అయ్యాక.. పలు యూట్యూబ్ ఛానల్స్ వారు ఈమెను అప్రోచ్ అయి ఇంటర్వ్యూలు తీసుకోవడం మొదలుపెట్టారు.

ఈ క్రేజ్ తో కుమారి ఆంటీ టీవీలోకి కూడా అడుగు పెట్టారు. తెలుగులో ప్రసారం అవుతున్న ప్రముఖ షోలు అన్నింటిలో కనిపించింది. తాజాగా ఈ ఆంటీ జీ తెలుగులో ప్రసారమవుతున్న రాజేశ్వరి విలాస్ కాఫీ క్లబ్.. సీరియల్ లో స్పెషల్ గెస్ట్ గా ఎంట్రీ ఇచ్చి బుల్లితెర ప్రేక్షకులకు సర్‌ప్రైజ్ ఇచ్చింది. దీనికి సంబంధించిన ప్రోమో ప్రస్తుతం మేకర్స్ రిలీజ్ చేశారు. ఈ ప్రోమో నెట్టింట వైరల్ అవ్వగా.. ‘‘మా కుమారి ఆంటీతో మాములుగా ఉండదు మరి, కుమారి ఆంటీనా మజాకా. ఇదెక్కడి మాస్ క్రేజ్ రా మావా’’ అంటూ కుమారి ఆంటీపై కామెంట్ల వర్షం కురిపిస్తున్నారు.