పవన్ ఫ్యాన్స్‌కు బిగ్ షాక్.. హరిహర వీరమల్లు నుంచి క్రిష్ అవుట్?
దిశ,సినిమా : పవన్ కళ్యాణ్ ఫ్యాన్స్, హరి హర వీరమల్లు మూవీ కోసం ఎంతగానో ఎదురు చూస్తున్నారు.టాలెంటెడ్ డైరెక్టర్ క్రిష్ దర్శకత్వంలో ఈ మూవీ రాబోతుడటంతో దీనిపై ఫ్యాన్స్ ఎన్నో ఆశలు పెట్టుకున్నారు. మూవీ నుంచి వచ్చిన ఫస్ట్ లుక్, గ్లింప్స్, వీడియోలకు సూపర్ రెస్పాన్స్ వచ్చింది. అంతే కాకుండా ఈ మూవీలో పవర్ స్టార్ తనయుడు అకీరా నటిస్తున్నాడని కూడా టాక్ వచ్చింది. దీంతో పవర్ స్టార్ ఫ్యాన్స్ ఈ సినిమా కోసం కళ్లల్లో ఒత్తులేసుకొని ఎదురుచూస్తున్నారు. మూవీ ఎప్పుడెప్పుడు రిలీజ్ అవుతుందా? కొత్త అప్డేట్ ఎప్పుడు వస్తుందా అని!
కాగా, పవన్ ఫ్యాన్స్‌కు బిగ్ షాక్ తగిలేటట్లు కనిపిస్తోంది. క్రిష్ ఈమూవీ నుంచి తప్పుకున్నట్లు ఇండస్ట్రీలో గుసగుసలు వినిపిస్తున్నాయి.హరి హర వీర మల్లు మూవీ ఎప్పుడో నాలుగేళ్ల కిందట ప్రారంభమైంది.కానీ దీని గురించి సరైన అప్డేట్ మాత్రం ఏమీ లేదు. ఈ మూవీ అనౌన్స్ చేసినప్పటి నుంచి పవన్ కళ్యాణ్ నటించిన, వకీల్ సాబ్, భీమ్లా నాయక్, బ్రో మూవీస్ రిలీజయ్యాయి. ఓజీ మూవీ కూడా విడుదలకు సిద్ధంగా ఉంది. కానీ హరిహర వీరమల్లు మూవీ గురించి ఎలాంటి సమాచారం లేదు.అయితే నిర్మాత ఆర్థిక కష్టాలు, పవన్ రాజకీయాల్లో ఫుల్ బిజీగా ఉండటం వలన ఈమూవీ షూటింగ్ మధ్యలోనే ఆగిపోయిందంట. ఇక ఇవన్నీ ఇబ్బందులు నచ్చని క్రిష్ హరిహర వీర మల్లు మూవీ నుంచి తప్పుకొని అనుష్క హీరోయిన్‌గా ఓ ఫిమేల్ ఓరియెంటెడ్ మూవీ తీస్తున్నట్లు సమాచారం.
