‘కల్కి’ ట్విట్టర్ రివ్యూ.. ఎవరూ ఊహించలేని క్లైమాక్స్.. ఆ 15 నిముషాలే కీలకం

దిశ, సినిమా : యావత్ భారతదేశం అంతా ఎదురుచూస్తున్న చిత్రం కల్కి 2898 AD ఈ రోజున విడుదలైంది. యంగ్ రెబల్ స్టార్ ప్రభాస్ హీరోగా నాగ్ అశ్విన్ దర్శకత్వంలో తెరకెక్కిన ఈ చిత్రంపై అభిమానులు ఆసక్తిగా ఎదురుచూస్తున్నారు. ఇప్పుడు ప్రేక్షకుల ముందుకు వచ్చింది. భారతీయ పురాణాల ఆధారంగా నాగ్ అశ్విన్ దర్శకత్వం వహించిన ఈ సైన్స్ ఫిక్షన్ చిత్రం రూ. 600 కోట్ల బడ్జెట్‌తో నిర్మించారు. ఈ చిత్రం కల్కి అవతారంలో ఉంటుందని నాగ్ చెప్పుకొచ్చారు. వైజయంతీ మూవీస్ బ్యానర్‌పై నాలుగున్నరేళ్ల నిరీక్షణ తర్వాత ఎట్టకేలకు ఈ సినిమా రిలీజ్ అయింది. మొదటి 15 నిమిషాలు ఎవరూ మిస్ కావొద్దంటూ.. స్పెషల్ గా చెబుతున్నారు. ఈ సినిమాలో ప్రతీ 10 నిముషాలకొకసారి ఊహించలేని క్లైమాక్స్, సర్ ప్రైజ్ లు ఉన్నాయని అంటున్నారు. ఇప్పటికే చాలా చోట్ల ప్రీమియర్ షోలను ప్రదర్శించింది. ఈ మూవీ చూసిన ఫ్యాన్స్, ప్రేక్షకులు ట్విట్టర్ వేదికగా వారి అభిప్రాయాలను ట్విట్ చేస్తూ తెలియజేస్తున్నారు.