ఏపీలో నెక్స్ట్ సీఎం ఎవరో చెప్పేసిన జూనియర్ ఎన్టీఆర్..?
దిశ, వెబ్‌డెస్క్: జూనియర్ ఎన్టీఆర్ ప్రస్తుతం ‘దేవర’ సినిమాతో బిజీగా ఉన్నాడు. కొరటాల శివ దర్శకత్వం వహిస్తున్న ఈ మూవీ.. వచ్చే ఏడాది ఏప్రిల్ 5న ప్రేక్షకుల ముందుకు రాబోతుంది. ఇదిలా ఉంటే.. సినిమాల్లోనే కాకుండా ఒకానొక సమయంలో జూనియర్ ఎన్టీఆర్ రాజకీయాల్లో కూడా చురుగ్గా పాల్గొనేవారు. ఈ క్రమంలోనే ఎన్టీఆర్‌కు పాలిటిక్స్‌పై మంచి నాలెడ్జ్ ఉందని, ఏ రాష్ట్రంలో ఏ పార్టీ రాబోతుందో ఎన్టీఆర్ సరిగ్గా అంచనా వేస్తుంటరని ఆయన సన్నిహితులు చెబుతున్నారు. అదే విధంగా తమిళనాడులో డీఎంకే పార్టీ ప్రభుత్వం ఏర్పాటు చేయడం ఖాయమని ఆయన ముందుగానే చెప్పారట. ఎన్టీఆర్ చెప్పినట్లే డీఎంకే పార్టీ అధికారంలోకి వచ్చింది.
ఇక తెలంగాణలో కూడా కాంగ్రెస్ గెలుస్తుందని చాలా రోజుల కిందట మన యంగ్ టైగర్ తన సన్నిహితులతో అన్నారట. ఆయన అంచనా వేసినట్లే ఇప్పుడు తెలంగాణలో ‘హస్తం’ అధికారాన్ని హస్తగతం చేసుకోవడంతో సన్నిహితులు షాక్ అవుతున్నారట. ఈ క్రమంలోనే ఆంధ్రప్రదేశ్ ఎలక్షన్లు ఆసక్తికరంగా మారాయి. ఎందుకంటే ఈసారి టీడీపీ అధికారం చేజక్కించుకుంటదని చాలా సందర్భాల్లో అన్నారట ఎన్టీఆర్. దీంతో వచ్చే ఏడాది ఆంధ్రప్రదేశ్‌లో జరగమబోయే అసెంబ్లీ ఎన్నికల కోసం ఎంతో ఆసక్తిగా ఎదురు చూస్తున్నారు. అయితే.. గత కొంత కాలంగా జూనియర్ ఎన్టీఆర్ రాజకీయాలకు దూరంగా ఉంటున్న విషయం తెలిసిందే. ఇలాంటి సమయాల్లో ఏపీలో తెలుగుదేశం పార్టీకే అధికారం వస్తదని జూనియర్ ఎన్టీఆర్ చెప్పినట్లు వస్తున్న వార్తలపై నెటిజన్లు షాక్ అవుతున్నారు.
