అది నా వాట్సప్ కాదంటూ.. స్క్రీన్ షాట్ షేర్ చేసిన బిగ్ బాస్ మానస్

దిశ,వెబ్ డెస్క్: కోయిలమ్మ సీరియల్‌తో మానస్‌కు మంచి గుర్తింపు వచ్చింది. ఆ తరువాత బిగ్ బాస్ షోలోకి వెళ్లడంతో క్రేజ్ మరింతగా పెరిగింది. మానస్ తన మంచితనంతో ప్రేక్షకుల మనసు గెలుచుకుని టాప్ 5 కంటెస్టెంట్లలో ఒకడిగా ఉన్నారు. అయితే బిగ్ బాస్ నుంచి బయటకు వచ్చాక మానస్ లైఫ్ స్టైల్ పూర్తిగా మారిపోయింది.

మానస్ ఈ మధ్యే పెళ్లి చేసుకోబోతన్నట్టుగా ప్రకటించాడు. శ్రీజ అనే అమ్మాయితో పెద్దలు కుదర్చిన ఈ వివాహంతో మానస్ ఓ ఇంటి వాడు కాబోతోన్నాడు. త్వరలోనే పెళ్లికి సంబంధించిన డేట్‌ను కూడా అనౌన్స్ చేయనున్నాడు. ప్రస్తుతం మానస్ బ్రహ్మముడి సీరియల్‌తో ఫుల్ బిజీగా ఉన్నాడు. అయితే తాజాగా తన పేరు మీదుగా చక్కర్లు కొడుతున్న వాట్సప్ నంబర్ మీద స్పందించాడు. అది తన వాట్సప్ నంబర్ కాదని, ఆ చాటింత్ తనది కాదని చెప్పుకొచ్చాడు. దానిలో బిగ్ బాస్ షో గురించి, రతిక గురించి ఉంది. అయితే ఇదేదో తేడాగా ఉందని వెంటనే ఇలా రియాక్ట్ అయ్యాడు. అది తన వాట్సప్ నంబర్ కాదని స్పష్టం చేశాడు. అందరూ గమనించి, జాగ్రత్తగా ఉండమని సూచించాడు. మొత్తానికి ఈ వాట్సప్ నంబర్ మాత్రం మానస్‌ది కాదని తేలిపోయింది.