జూనియర్ ఎన్టీఆర్‌తో మూవీ తీసేంత కెపాసిటి నాకు లేదు : రామ్‍గోపాల్ వర్మ (వీడియో)
దిశ, సినిమా: టాలీవుడ్ లో ఒకప్పుడు స్టార్ దర్శకుడిగా ఎంతో అద్భుతమైన చిత్రాలు తెరకెక్కించి దర్శకుడు రామ్‍గోపాల్ వర్మ. కానీ ప్రజంట్ అతని ఫేమ్ మొత్తం పడిపోయింది అని చెప్పాలి. ఎందుకంటే తరచూ వివాదాస్పద వ్యాఖ్యలు చేస్తూ వార్తల్లో నిలుస్తూ ఉంటాడు. ఇక తాజాగా జూనియర్ ఎన్టీఆర్, సీనియర్ ఎన్టీఆర్ పై సెన్సేషనల్ కామెంట్స్ చేశాడు వర్మ.
నేడు (ఫిబ్రవరి 13) జరిగిన ‘వ్యూహం’, శపథం సినిమాల ట్రైలర్ లాంచ్ ఈవెంట్‍లో మాట్లాడుతూ ‘సీనియర్ ఎన్టీఆర్ కంటే జూనియర్ ఎన్టీఆర్ చాలా గొప్ప అని నేను నమ్ముతాను. ఇది నా అభిప్రాయం. తెలుగు సినీ ఇండస్ట్రీలో అత్యున్నత శిఖరాలకు చేరి, తెలుగుదేశం పార్టీ స్థాపించి ముఖ్యమంత్రిగా సేవలు అందించిన సీనియర్ ఎన్టీఆర్ కంటే.. జూనియర్ ఎన్టీఆర్ గొప్పవాడు’ అని తెలిపాడు. ఇక వర్మ మాటలకు అక్కడ విలేకరులు అంత ఒక్కసారిగా షాక్ అయ్యారు. దీంతో మరి తారక్ తో ఏదైనా చిత్రం చేస్తారా? అని అడగగా. ఆర్జీవీ స్పందిస్తూ ‘నాకు అంత కెపాసిటీ లేదు’ అని అన్నారు. ప్రజంట్ ఆర్జీవీ చేసిన కామెంట్ వివాదాస్పదం అయ్యేలా కనిపిస్తున్నాయి. ఇందుకు సంబంధించిన వీడియో కూడా వైరల్ అవుతుంది.
