హీరోయిన్ పాయల్‌కు చేదు అనుభవం.. బోరున ఏడుస్తున్న వీడియో వైరల్
దిశ, సినిమా: కలకత్తాలో ట్రైనీ డాక్టర్‌పై జరిగిన హత్యాచారం సంఘటన గత కొద్ది రోజుల నుంచి సంచలనం సృష్టిస్తున్న విషయం తెలిసిందే. దీంతో అక్కడ ఉద్రిక్తత పరిస్థితులు నెలకొన్నాయి. ఆమెకు న్యాయం చేయాలంటూ వైద్య విద్యార్థులు నిరసన చేపట్టిన సంగతి తెలిసిందే. ఈ సంఘటన మర్చిపోక ముందే తాజాగా, మరో ఘటన చోటుచేసుకుని ఆందోళనకు గురి చేస్తోంది. పశ్చిమ బెంగాల్‌కు చెందిన స్టార్ హీరోయిన్ పాయల్ ముఖర్జీకి చేదు అనుభవం ఎదురైంది. కలకత్తాలో ఆమె కారులో వెళ్తుండగా.. ఆకతాయిలు కారును ఢీ కొట్టి భయభ్రాంతులకు గురి చేశారు.
కారు వద్దకు వచ్చి కిటికీ తీయమని బెదిరించారు. అంతేకాకుండా అద్దం కూడా పగలగొట్టారు. దీంతో వెంటనే ఆమె లైవ్ వీడియో ఆన్ చేసి ఏడుస్తు అక్కడ జరిగిన సంఘటనను వివరించింది. కారు అద్దాలు పగలగొట్టడంతో గాజు ముక్కలు తనపై పడినట్లు చెప్పింది. అయితే ఈ ఘటన జరిగిన వెంటనే పోలీసులకు ఫోన్ చేయడంతో.. వారు వచ్చారు కానీ ఆకతాయిలు పారిపోయారని చెప్పుకొచ్చింది.
అసలు డాక్టర్ కేసులో పలు కీలక పరిణామాలు చోటుచేసుకుంటండటంతో నిరసనలు జరుగుతున్నా అక్కడ ఉండేవారిలో కొంచెం భయం కూడా లేదా అని ఆగ్రహం వ్యక్తం చేసింది. పాయల్ లైవ్ వీడియో చేసినంత సేపు ఏడుస్తూనే ఉంది. అయితే ఇక ఈ వీడియోను చూసిన నెటిజన్లు పాయల్‌కు సపోర్ట్‌గా నిలుస్తున్నారు. మహిళలు జాగ్రత్తగా ఉండాలని సూచిస్తున్నారు.
(Video Link Credits to payelmukherjee Instagram Channel)
