హీరో జీవాకు రోడ్డు ప్రమాదం..! ఆందోళన చెందుతున్న అభిమానులు

దిశ, సినిమా: ‘రంగం’ సినిమా హీరో జీవా ప్రయాణిస్తున్న కారు రోడ్డు ప్రమాదానికి గురైనట్లు సమాచారం. ఆయన భార్యతో కలిసి చెన్నై నుంచి సేలం వెళ్తుండగా కన్నియమూర్ వద్ద ప్రమాదం చోటు చేసుకున్నట్లు తెలుస్తోంది. జీవా ప్రయాణిస్తున్న కారు మధ్యలో ఉన్న డివైడర్‌ను ఢీ కొట్టడంతో ఈ సంఘటన జరిగింది. అయితే ఈ ప్రమాదంలో ఆయన కారు నుజ్జునుజ్జు కాగా జీవా అతని భార్య క్షేమంగా బయటపడినట్లు సమాచారం. ప్రస్తుతం కారు ఫొటోలు సోషల్ మీడియాలో వైరల్‌గా మారాయి. ఇక జీవాకు యాక్సిడెంట్ అయిందని తెలియడంతో ఆయన అభిమానులు ఆందోళన చెందుతున్నారు. అయితే ఈ ప్రమాదానికి సంబంధించిన పూర్తి వివరాలు తెలియాల్సి ఉంది.