సర్వే: ఇండియాలో మన తెలుగు హీరోనే నెంబర్ వన్!

దిశ, సినిమా: టాలీవుడ్‌లో చాలా మంది స్టార్ హీరోలు ఉండగా.. అందులో ఎవరు టాప్ అన్నది మాత్రం చెప్పడం కష్టం. అయితే ప్రముఖ మీడియా సంస్థ ఆర్మాక్స్( Armax ) ఎప్పటికప్పుడు దేశ వ్యాప్తంగా సినీ తారలపై సర్వేలు నిర్వహిస్తూ ఉంటుంది. ఈ సర్వేలో ప్రతినెల ఏ హీరో, హీరోయిన్ టాప్ 10 స్థానాల్లో ఉన్నారన్న విషయాన్ని తెలియజేస్తూ.. లిస్ట్ రిలీజ్ చేస్తూ ఉంటుంది. ఈ క్రమంలోనే అక్టోబర్ నెలకు సంబంధించిన లిస్ట్ రివీల్ చేసి.. టాలీవుడ్‌లో నెంబర్ వన్ ఎవరన్నది తేల్చింది.

ఇక ఈ లిస్ట్‌లో ఎప్పటిలాగే ఈసారి కూడా ప్రభాస్ మొదటి స్థానంలో నిలిచాడు. ఆయన ఈ మధ్యకాలం చేసిన సినిమాలు అంతగా ఆకట్టుకోలేకపోయినా క్రేజ్ ఏ మాత్రం తగ్గలేదు. ఆ తర్వాత రెండో స్థానంలో జూనియర్ ఎన్టీఆర్ నిలిచాడు. మూడవ స్థానంలో ఐకాన్ స్టార్ అల్లు అర్జున్, నాలుగో స్థానంలో రామ్ చరణ్ ఉండగా.. ఐదవ స్థానంలో మహేష్ బాబు, ఆరవ స్థానంలో పవన్ కళ్యాణ్, ఏడవ స్థానంలో నాని ఉన్నాడు. ఇక ఎనిమిదో ప్లేస్‌తో విజయ్ దేవరకొండ సరిపెట్టుకోగా.. తొమ్మిదవ స్థానంలో మెగాస్టార్ చిరంజీవి, పదవ స్థానంలో రవితేజ నిలిచాడు. ఇక ఈ సర్వేపై స్పందించిన అభిమానులు ‘ఎప్పటికీ టాప్ హీరోగా ప్రభాస్ మాత్రమే ఉంటాడు. ఆ విషయంలో ఆయనకు ఎవరు సాటి రారు’ అంటూ కామెంట్లు చేస్తున్నారు.