యూత్‌కు గుడ్ న్యూస్.. రీరిలీజ్ కానున్న 'Prema Desam'
దిశ, సినిమా : ప్రస్తుతం టాలీవుడ్‌లో రీరిలీజ్ ట్రెండ్ నడుస్తోంది. సూపర్ స్టార్ మహేష్ బాబు బర్త్‌డేకు 'పోకిరి' విడుదలతో మొదలైన ఈ ట్రెండ్.. కొనసాగుతూనే ఉంది. అగ్రహీరోల ఫ్యాన్స్ తమ అభిమాన హీరోల చిత్రాలను పోటీపడి మరీ రిలీజ్ చేస్తున్నారు. తాజాగా రీరిలీజ్ అవబోతున్న సినిమాల జాబితాలో1990లోని ఆల్‌టైమ్‌ ఎవర్‌ గ్రీన్‌ బ్లాక్‌ బాస్టర్‌ హిట్టుగా నిలిచిన 'ప్రేమదేశం' కూడా చేరిపోయింది. వినీత్‌, అబ్బాస్‌, టబు కాంబినేషన్‌లో కథిర్‌ డైరెక్ట్‌ చేసిన ఈ చిత్రం అప్పట్లో యూత్‌‌ను ఆకట్టుకుని బాక్సాఫీస్‌ వద్ద రికార్డుల వర్షం కురిపించింది. కాగా ఈ చిత్రం విడుదలై 25 సంవత్సరాలు పూర్తి చేసుకున్న సందర్భంగా మేకర్స్‌ రీరిలీజ్ చేస్తున్నారన్న వార్త టాక్‌ ఆఫ్‌ ది ఇండస్ట్రీగా మారింది. అయితే సినిమా విడుదల ఎప్పుడన్న విషయంపై ఇంకా క్లారిటీ రావాల్సి ఉంది.
ఇవి కూడా చదవండి : ప్రభాస్ బర్త్‌డే సందర్భంగా 'ప్రాజెక్ట్ కే' స్పెష‌ల్ పోస్టర్
