ఫ్యాన్స్‌కు భారీ గుడ్ న్యూస్.. టెలివిజన్‌లోకి వచ్చేస్తున్న ప్రభాస్ ‘సలార్’.. ఎప్పుడంటే (పోస్ట్)
దిశ, సినిమా: పాన్ ఇండియా స్టార్ ప్రభాస్ హీరోగా నటించిన ‘సలార్’ సినిమా ఎంతటి బ్లాక్ బస్టర్ హిట్ అందుకుందో అందరికి తెలిసిందే. ప్రశాంత్ నీల్ దర్శకత్వం వహించిన ఈ హైవోల్టేజ్ యాక్షన్ థ్రిల్లర్ మూవీలో శృతి హాసన్ హీరోయిన్‌గా నటించగా.. పృథ్వీరాజ్, జగపతి బాబు, శ్రియా రెడ్డి, ఈశ్వరి రావు తదితరులు కీలక పాత్రలు పోషించారు. ఇక గత ఏడాదిలో తెలుగు, హిందీలో రిలీజైనా ఈ చిత్రం బాక్సాఫీస్ వద్దా భారీ వసూళ్లను రాబట్టి సెన్సేషన్ క్రియేట్ చేసింది.
అంతేకాకుండా ఓటీటీలోకి వచ్చిన ఈ చిత్రం అక్కడ కూడా సత్తా చాటుకుని అనేక రికార్డులను కొల్లగొట్టింది. అయితే.. ఇప్పుడు ఈ మూవీ ఫ్యామిలీ ఆడియన్స్ ముందుకు వచ్చేందుకు సిద్ధంగా ఉంది. వరల్డ్ వైడ్‌ టెలివిజన్‌ ప్రీమియర్‌‌కి టైమ్‌ ఫిక్స్ చేసుకున్న ‘సలార్’.. ఈ నెల 21న అంటే వచ్చే ఆదివారం సాయంత్రం 5.30లకు స్టార్ మా లో టెలికాస్ట్ కానుంది. ఈ విషయాన్ని తాజాగా మూవీ టీమ్‌ ప్రకటించింది. మరి ఇంకెందుకు ఆలస్యం ఇంటిళ్లిపాది ఈ సినిమా చూసి సంతోషించేయండి మరి.
#Salaar Telugu version world television premiere on 21st April at 5:30PM on @StarMaa 🔥🔥🔥#Prabhas pic.twitter.com/q4CH40MZZ9
— Suresh PRO (@SureshPRO_) April 14, 2024
