చిరంజీవి ‘విశ్వంభర’ సినిమాలో నలుగురు హీరోయిన్లు కన్ఫర్మ్.. ఎవరెవరంటే..?
దిశ, సినిమా: మెగాస్టార్ చిరంజీవి తాజా సినిమా ‘విశ్వంభర’. వశిష్ట దర్శకత్వంలో వస్తున్న ఈ చిత్రాన్ని యూవీ క్రియేషన్స్ బ్యానర్‌పై నిర్మిస్తున్నారు. పంచభూతాల కాన్సెప్టుతో విజువల్ వండర్‌గా రాబోతున్న ఈ మూవీపై స్టార్టింగ్ నుంచే భారీ అంచనాలు నెలకొన్నాయి. ఇప్పటికే ఈ చిత్రానికి సంబంధించిన పలు షెడ్యూళ్లను చిత్ర యూనిట్ సక్సెస్‌ఫుల్‌గా కంప్లీట్ చేసుకుంది. ఇదిలా ఉంటే.. ‘విశ్వంభర’ సినిమాలో పలువురు హీరోయిన్లు కీలక పాత్రల్లో కనిపించనున్నారని సోషల్ మీడియాలో వార్తలు వైరల్ అవుతున్న సంగతి తెలిసిందే. ఇక ఈ మూవీలో ఇప్పటికే హీరోయిన్ త్రిషను కన్ఫర్మ్ చేశారు మేకర్స్.
మూవీకి సంబంధించిన కొత్త షెడ్యూల్‌లో చిరంజీవితో పాటు త్రిష కూడా షూటింగ్‌లో పాల్గొంటున్నట్లు తెలుస్తోంది. అయితే.. తాజాగా అందుతున్న సమాచారం మేరకు.. మరో ముగ్గరు హీరోయిన్లను కూడా కన్ఫర్మ్ చేసినట్లు టాక్. వారు ఎవరో కాదు.. తమన్నా, శ్రీలీల, మీనాక్షీ చౌదరీలను చిత్ర యూనిట్ ఫైనల్ చేశారట. ఇందులో.. ముందుగా అనౌన్స్ చేసిన త్రిష మెయిన్ లీడ్ కగా.. ఈ ముగ్గురితో చిరంజీవి మాములు కాంబో సీన్స్ మాత్రమే ఉంటాయట. కాగా.. ఈ మూవీ వచ్చే ఏడాది సంక్రాతి బరిలో రిలీజ్ ఉండనున్నట్లు సమాచారం.
