రవితేజ నటించిన బ్లాక్ బస్టర్ సీరియల్ ఏంటో తెలుసా?
దిశ, వెబ్‌డెస్క్: మాస్ మహారాజా రవితేజ గురించి ప్రత్యేకంగా చెప్పాల్సిన అక్కర్లేదు. స్టార్ డైరెక్టర్ల వద్ద అసిస్టెంట్ డైరెక్టర్‌గా పనిచేసిన ఈ హీరో ‘‘విక్రమార్కుడు, కిక్, ఖిలాడీ, రాజాది గ్రేట్, ధమాకా, బలాదూర్, దుబాయ్ శీను, బెంగాల్ టైగర్, వాల్తేరు వీరయ్య’’ వంటి బ్లాక్ బస్టర్ చిత్రాల్లో నటించే రేంజ్‌కు వెళ్లాడు. వేరే హీరోల మూవీల్లో సైడ్ ఆర్టిస్ట్ గా నటించిన రవితేజ.. అదే హీరోలు ఇప్పుడు ఈయన సినిమాలో సైడ్ ఆర్టిస్ట్ గా చేస్తున్నారు. అదే ఈ మాస్ మహారాజా సక్సెస్ అంటూ సోషల్ మీడియాలో ఫ్యాన్స్ పొగడ్తల వర్షం కురిపిస్తున్నారు.
అయితే ఈ హీరో గతంలో ఒక టీవీ సీరియల్‌లో కూడా నటించారనే విషయం ఎవరికీ తెలియకపోవచ్చు. కానీ అప్పట్లో దూర దర్శన్‌‌లో ప్రసారమయ్యే ‘ఋతురాగాలు’ అనే సీరియల్‌లో ఒక ఎపిసోడ్‌లో రవితేజ చిన్న రోల్‌లో కనిపిస్తారట. ఈ సీరియల్ అప్పట్లో పెద్ద బ్లాక్ బస్టర్ అయ్యిందట. ఇందులో రాజీవ్ కనకాల హీరో‌గా నటించగా, రూపా దేవి హీరోయిన్‌గా నటించిందట. ఎన్నో సీరియల్స్‌లో ఆఫర్లు వచ్చినప్పటికీ.. రవితేజ రిజెక్ట్ చేశారట.
