నెట్టింట దుమారం రేపుతోన్న న్యూస్.. పుష్ప 3 లోడింగ్‌.. ‘రైజ్‌, రూల్‌, రోర్‌’
దిశ, సినిమా: సుకుమార్ దర్శకత్వంలో అత్యంత ప్రతిష్టాత్మక సినిమా ‘పుష్ప-2’ కోసం యావత్ ఇండియా ఈగర్‌గా వెయిట్ చేస్తోంది. భారీ బడ్జెట్‌తో తెరకెక్కిస్తోన్న ఈ చిత్ర షూటింగ్ శరవేగంగా జరుగుతోంది. ఈ క్రమంలో ఐకాన్ స్టార్ అల్లు అర్జున్ అభిమానులకు పిచ్చెక్కించే ఓ వార్త సోషల్ మీడియాలో తెగ వైరల్ అవుతోంది. ప్రస్తుతం పుష్ప కు సీక్వెల్‌గా పుష్ప-2 వస్తుండగా.. మేకర్స్ త్వరలో మూడో పార్ట్ కూడా అనౌన్స్ చేయబోతున్నారంటూ నెట్టింట ఓ వార్త చక్కర్లు కొడుతోంది.
డైరెక్టర్ సుకుమార్ పుష్ప సినిమాను మొత్తం మూడు పార్ట్స్ గా ప్రేక్షకుల ముందుకు తీసుకొచ్చే ఆలోచనలో ఉన్నారట. ఈ వార్త విన్న బన్నీ ఫ్యాన్స్ ఎగిరిగంతులేస్తున్నారు. పార్ట్-1 లో పుష్పరాజ్‌ లోకల్‌ బాయ్‌గా నటించాడు. కూలోడుగా.. ఆ తర్వాత స్మగ్లర్‌గా మారాడు. పార్ట్ -2లో నేషనల్‌ వైడ్‌గా స్మగ్లింగ్‌ డీలర్‌గా కనిపించబోతున్నారని టాక్. ఎర్రచందనం సిండికేట్‌ను నడిపించే వాడిలా మెరవనున్నాడట. ఇక దర్శకుడు ఫస్ట్ పార్ట్ పుష్ప: ది రైజ్‌గా రూపొందించాడు. ఇప్పుడు పుష్ప: రూల్‌ గా తెరకెక్కిస్తున్నాడు.
మూడో పార్ట్ పుష్ప: రోర్‌ గా తెరకెక్కించనున్నారట. ‘‘రైజ్‌, రూల్‌, రోర్‌’’.. టాలీవుడ్ దిగ్గజ దర్శకుడు తెరకెక్కించిన ఆర్ఆర్ఆర్ ఫార్మూలాను ఫాలో అవుతున్నట్లు తెలుస్తోంది. ఐకాన్ స్టార్ ఫ్యాన్స్‌కు మతిపోగేట్టే మూడో పార్ట్‌పై వచ్చే వారంలో అపీషియల్ అనౌన్స్ చేయనున్నారట. ప్రస్తుతం ఈ వార్త నెట్టింట దుమారం రేపుతోంది.
