Danush Raayan: ధనుష్ రాయన్ చిత్రానికి అరుదైన గౌరవం.. నేరుగా ఆస్కార్‌కు
దిశ, వెబ్ డెస్క్: ధనుష్ నటించిన 'రాయన్' ప్రపంచవ్యాప్తంగా ఇటీవలే విడుదలై ప్రేక్షకులను విశేషంగా ఆకట్టుకుంటుంది. ధనుష్ తన 50 వ చిత్రం రాయన్ కు ఆయనే స్వయంగా దర్శకత్వం వహించాడు. ఈ చిత్రంలో ఎస్.జె సూర్య, దుషార విజయన్, సందీప్ కిషన్, కాళిదాస్ జయరాం, సెల్వ రాఘవన్, అపర్ణ బాలమురళి కీలక పాత్రల్లో నటించారు. ముఖ్యంగా ఈ చిత్రం నార్త్ చెన్నై కథాంశంతో రూపొందింది.
తమిళ స్టార్ హీరో ధనుష్ గురించి ఇక్కడ ప్రత్యేకంగా చెప్పాల్సిన అవసరం లేదు. తన విలక్షణ నటనతో హిట్స్, ఫ్లాప్స్ తో సంబంధం లేకుండా పలు విభిన్న సినిమాల్లో నటిస్తూ.. ప్రేక్షకులను మెప్పిస్తూవస్తున్నాడు. అలాగే ఈ సినిమాలో కూడా ధనుష్ ఇప్పటివరకూ ఏ సినిమాలో కనిపించనంత మాస్ అండ్ స్టన్నింగ్ లుక్ లో మెరిసాడు. ధనుష్‌కి 50వ సినిమా అయిన ఈ చిత్రాన్ని సన్ పిక్చర్స్ నిర్మిస్తోంది. ఈ చిత్రానికి ఏఆర్ రెహమాన్ సంగీతం అందించారు.
ఇక సినిమా విషయానికొస్తే.. చిన్నతనంలోనే తల్లితండ్రులను కోల్పోయిన ధనుష్, వారు ఉంటున్న గ్రామంలో భద్రతలేదని గ్రహించి, తన తన ఇద్దరు తమ్ముళ్లు మరియు చెల్లెలితో చెన్నై కి వస్తాడు. చెన్నైలోధనుష్ సెల్వ రాఘవన్ కలుస్తాడు. అతని సహయంతోనే ధనుష్ తన కుటుంబ సభ్యులను చూసుకుంటాడు. ఎలాంటి సమస్య రానివ్వకుండా తన తమ్ముళ్ళు మరియు చెల్లెలిని కంటికి రెప్పల కాపాడుకుంటాడు. తర్వాత జరిగిన కథాంశంలో ఊహించని విధంగా.. ధనుష్ మొదటి సోదరుడు అయినటువంటి సందీప్ కిషన్, అదే ప్రాంతంలో పెద్దన్న గా ఉన్న శరవన్ అనే వ్యక్తి కొడుకుని చంపేస్తాడు. ఆ తర్వాత జరిగిన కథలో ధనుష్ తన తమ్ముడిని, కుటుంబాన్ని ఎలా రక్షించుకుంటాడు? తదనంతరం ఏమి జరిగింది.? అనేది తెలుసుకోవాలంటే మాత్రం మీరు తప్పక సినిమాకి వెళ్ళాల్సిందే.
ఈ సినిమా గత నెల 26న థియేటర్లలో విడుదలై 7 రోజుల్లో ఇప్పటివరకు ప్రపంచవ్యాప్తంగా రూ.102 కోట్లకు పైగా వసూలు చేసి రికార్డు సృష్టించింది. ధనుష్ 50వ చిత్రం రాయన్ 7 రోజుల్లో రూ.100 కోట్ల బాక్సాఫీస్ హిట్ కొట్టడంతో అభిమానులు సంబరాలు చేసుకుంటున్నారు. ఇదిలా ఉంటే ఇప్పుడు ఈ సినిమాకు మరో అరుదైన గౌరవం దక్కిందని తెలుస్తోంది. ప్రతిష్టాత్మకమైన 'ఆస్కార్ లైబ్రరీ'లో'... 'రాయన్' స్క్రీన్ ప్లే శాశ్వతంగా చోటు దక్కించుకుంది. ఈ సినిమా తర్వాత ది వ్యాక్సిన్ వార్, పార్కింగ్ వంటి సినిమాలకు కూడా ఇదే గౌరవం లభించింది. దీంతో ధనుష్ అభిమానులు తమ సంతోషాన్ని వ్యక్తం చేస్తున్నారు.
