ICC Test Rankings : నెంబర్ 1గా బుమ్రా.. బ్యాటింగ్‌లో జైస్వాల్ ర్యాంకు ఎంతంటే..?
దిశ, స్పోర్ట్స్ : ఆస్ట్రేలియాపై తొలి టెస్ట్‌లో బౌలింగ్‌తో అదరగొట్టిన భారత ఫాస్ట్ బౌలర్ బుమ్రా ఐసీసీ టెస్ట్ ర్యాంకింగ్స్‌లో నెం.1 స్థానానికి చేరుకున్నాడు. ఈ టెస్ట్‌లో 72 పరుగులు ఇచ్చిన బుమ్రా 8 వికెట్లు పడగొట్టి జట్టు విజయంలో ‘కీ’ రోల్ పోషించాడు. తాజా ఐసీసీ టెస్ట్ ర్యాంకింగ్స్‌లో తన కెరీర్‌లోనే బెస్ట్ రేటింగ్ 883 పాయింట్లను బుమ్రా అందుకున్నాడు. ఇదే టెస్ట్‌లో 161 పరుగులు చేసి బ్యాటింగ్‌తో ఆకట్టుకున్న జైస్వాల్ ఐసీసీ టెస్ట్ బ్యాటింగ్ జాబితాలో నెం.2 స్థానానికి చేరుకున్నాడు. పెర్త్ టెస్ట్‌లో సెంచరీ కొట్టిన విరాట్ కోహ్లీ 9 స్థానాలు ఎగబాకి 13వ స్థానంలో కొనసాగుతుడున్నాడు. భారత స్పిన్నర్ రవిచంద్రన్ అశ్విన్ ఒక స్థానం మెరుగు పర్చుకుని నాలుగవ స్థానానికి చేరుకున్నాడు. రవీంద్ర జడేజా ఏడో స్థానంలో నిలిచాడు. ఫస్ట్ టెస్ట్‌లో ఐదు వికెట్లు పడగొట్టిన సిరాజ్ మూడు స్థానాలు ఎగబాకి 25వ స్థానానికి చేరుకున్నాడు. టెస్టుల్లో బెస్ట్ ఆల్ రౌండర్లుగా రవీంద్ర జడేజా, రవిచంద్రన్ అశ్విన్ తొలి రెండు స్థానాల్లో కొనసాగుతున్నారు. అక్షర్ పటేల్ 7వ స్థానంలో కొనసాగుతున్నాడు.
