హనుమాన్ మూవీ దర్శకుడితో సినిమా వదులుకున్న చిరంజీవి.. ఎందుకంటే?
దిశ, సినిమా : తాజాగా విడుదలైన హనుమాన్ మూవీ బ్లాక్ బస్టర్ హిట్ అందుకున్న విషయం తెలిసింది. దీంతో దర్శకుడు ప్రశాంత్ వర్మ పేరు పాన్ ఇండియా లెవల్‌లో వినిపిస్తోంది. తక్కువ బడ్జెట్‌తో తెరకెక్కిన ఈ సినిమా మొదటిరోజే పాజిటివ్ టాక్‌తో దూసుకెళ్లడమే కాకుండా, స్టార్ హీరోల సినిమాను సైతం పక్కకు నెట్టి కలెక్షన్ల సునామీ సృష్టిస్తోంది.
దీంతో ప్రస్తుతం ఎక్కడ చూసినా ప్రశాంత్ వర్మ గురించే వినిపిస్తోంది. ఇక హనుమాన్ మూవీ ప్రీరిలీజ్ ఈవెంట్‌కు చిరంజీవి గెస్ట్‌గా వచ్చిన విషయం తెలిసిందే. దీంతో చాలా మంది మెగా అభిమానులు ప్రశాంత్ వర్మ చిరుతో సినిమా తీస్తే బాగుండు అని కోరుకుంటున్నారు.
అంతేకాకుండా చిరుతో సినిమా తీయాలని ప్రశాంత్ వర్మను కోరుతున్నారు. అయితే దీనిపై తాజాగా హనుమాన్ మూవీ దర్శకడు ఓ ఇంటర్వ్యూలో మాట్లాడుతూ.. సినిమా ఇండస్ట్రీలో తన మొదటి సినిమా కూడా మొదలు పెట్టక ముందే, ప్రశాంత్ వర్మ, చిరంజీవికి ఓ కథ వినిపించారట. చిరంజీవిని ఓ సందర్భంలో కలుసుకున్న ప్రశాంత్ వర్మ.. ఏదో సరదాకి ఓ సినిమా స్టోరీ చెప్పారట, అది చిరుకు నచ్చడంతో ఆ సినిమాలో చిన్న చిన్న మార్పులు చేయమని చెప్పారంట. తర్వాత మళ్లీ సినిమా కథ వినిపించగా చిరంజీవి కథ బాగుంది అని చెప్పడమే కాకుండా మూవీకి ఓకే చెప్పారంట. కానీ చిరు డ్రీమ్ ప్రాజెక్ట్ సైరా పట్టాలెక్కడంతో చిరు చాలా బిజీ అయిపోయారంట. తర్వాత ఇద్దరూ తమ తమ ప్రాజెక్ట్‌లో బిజీ అయిపోయినట్లు తెలియజేశాడు.
