Heavy Rain Alert:ఈ జిల్లాల్లోని ప్రజలకు అలర్ట్.. రేపు భారీ వర్షాలు
దిశ,వెబ్‌డెస్క్: రాష్ట్రాన్ని భారీ వర్షాలు(Heavy Rain) వీడడం లేదు. ఇటీవల బంగాళాఖాతంలో ఏర్పడిన అల్పపీడనం(low pressure) మరింత బలపడింది. ఇది తీవ్ర అల్పపీడనంగా మారి వాయువ్య దిశగా ముందుకు సాగుతోంది. దీని ప్రభావంతో ఆంధ్రప్రదేశ్(Andhra Pradesh)కు మూడు రోజుల పాటు వర్షాలు(Rains) కురువనున్నట్లు వాతావరణ అధికారులు(Weather officials) ఆరెంజ్ అలర్ట్(Orange Alert) జారీ చేశారు. ఈ నేపథ్యంలో పలు జిల్లాల్లో భారీ వర్షాలు(Heavy Rains) కురుస్తాయని వాతావరణ అధికారులు తెలిపారు.
వివరాల్లోకి వెళితే.. రేపు(శుక్రవారం) రాష్ట్రంలో మోస్తరు నుంచి భారీ వర్షాలు కురుస్తాయని వాతావరణ శాఖ(Department of Meteorology) తెలిపింది. శ్రీకాకుళం, విజయనగరం, మన్యం, అల్లూరి, విశాఖపట్నం, అనకాపల్లి, కాకినాడ, ఏలూరు జిల్లాల్లో భారీ వర్షాలు కురుస్తాయని అంచనా వేసింది. కోనసీమ, కృష్ణా, ఎన్టీఆర్, ప్రకాశం, నెల్లూరు, కర్నూలు, అనంతపురం, సత్యసాయి, చిత్తూరు జిల్లాల్లో తేలికపాటి నుంచి మోస్తరు వర్షాలు కురుస్తాయని పేర్కొంది. ఈ నేపథ్యంలో ప్రజలు అప్రమత్తంగా ఉండాలని, మత్స్యకారులు వేటకు వెళ్లొద్దని వాతావరణ అధికారులు సూచించారు.
