కొడుకుతో పాటు ప్రముఖ నటిపై కేసు నమోదు.. అరెస్ట్ చేసిన పోలీసులు?
దిశ, సినిమా: అప్పట్లో తమిళ సినిమాల్లో క్యారెక్టర్ ఆర్టిస్ట్ గా నటించి ఫుల్ ఫేమ్ దక్కించుకుంది నటి రాధ. తర్వాత మూవీల్లో అవకాశాలు రాకపోవడంతో సీరియల్స్ లో నటించడం స్టార్ట్ చేసింది. సీరియల్స్ లో రాణిస్తోన్న క్రమంలోనే ఓ వ్యాపారవేత్తను వివాహం చేసుకుని పూర్తిగా బుల్లితెర, వెండితెర ఇండస్ట్రీకి గుడ్ బై చెప్పింది. వీరికి తరుణ్ అనే అబ్బాయి జన్మించాడు.
ప్రస్తుతం రాధ ఫ్యామిలీ సొంత గ్రామంలోనే నివసిస్తున్నట్లు సమాచారం. అయితే రాధ కుమారుడు తరుణ్ గతంలో ఫ్రాన్సిస్ రిచర్డ్ అనే యువకుడిపై దాడి చేశాడట. దీంతో రీసెంట్ గా ప్రాన్సిస్ రిచర్డ్.. తరుణ్ పై తిరిగి దాడి చేయడంతో అతడికి తీవ్ర గాయాలయ్యాయి. కాగా ఫ్రాన్సిస్ రిచర్డ్ తండ్రి డేవిడ్ విరుగంబాక్కమ్ పోలీసు స్టేషన్ లో రాధ-తరుణ్ లపై పోలీసు స్టేషన్ లో కంప్లైంట్ ఇచ్చారట. దీంతో రాధ, తరుణ్ లపై పోలీసులు కేసు నమోదు చేసి.. అదుపులోకి తీసుకున్నారట.
