Bumper Offer: సినీ ప్రియులకు బంపర్ ఆఫర్ .. అస్సలు మిస్ చేసుకోకండి ఈ ఒక్కరోజే చాన్స్!
దిశ, సినిమా: బాలీవుడ్ బ్యూటీ శ్రద్ధా కపూర్, రాజ్ కుమార్ కలిసి నటించిన మూవీ ‘స్త్రీ-2’. దీనిని అమర్ కౌశిక్ తెరకెక్కించగా.. ఆగస్టు 15న థియేటర్స్‌లో గ్రాండ్‌గా విడుదలైంది. ప్రేక్షకులను మెప్పించడంతో పాటు భారీ కలెక్షన్లు రాబట్టి బాక్సాఫీసును షేక్ చేసింది. ఏకంగా రూ. 500 కోట్లకు పైగా వసూళ్లు రాబట్టి రికార్డులు కొల్లగొట్టింది. అంతేకాకుండా ఈ ఏడాది మొత్తంలోనే అత్యధిక కలెక్షన్స్ రాబట్టిన సినిమాల లిస్ట్‌లో స్త్రీ-2 రెండో స్థానంలో నిలిచింది. ప్రజెంట్ థియేటర్స్‌లో సూపర్ హిట్ టాక్‌తో దూసుకుపోతుండగా.. మేకర్స్ కీలక నిర్ణయం తీసుకున్నారు.
టికెట్లపై ఓ బంపర్ ఆఫర్ ఇస్తూ అధికారిక ప్రకటనను విడుదల చేశారు. సెప్టెంబర్ 13న శుక్రవారం ఈ రోజు స్త్రీ-2 ఒక టికెట్ కొనుగోలు చేస్తే మరొకటి ఫ్రీగా పొందవచ్చని తెలిపారు. దీని కోసం బుక్ బై షో యాప్‌లో STREE2 ప్రోమో కోడ్ వినియోగించాలని సూచించారు. అలాగే ఈ ఆఫర్ ఈ ఒక్క రోజు మాత్రమే అని వెల్లడించారు. ఈ విషయాన్ని శ్రద్ధా కపూర్ ఇన్‌స్టాగ్రామ్ ద్వారా తెలుపుతూ ఓ పోస్ట్ షేర్ చేసింది. ‘‘ ఇలాంటి ఆఫర్ మళ్లీ దొరకదు, కాబట్టి ఇప్పుడే మీ టిక్కెట్‌లను బుక్ చేసుకోండి’’ అని రాసుకొచ్చింది. ప్రజెంట్ ఈ పోస్ట్ వైరల్ అవుతుండగా.. సినీ ప్రియులు ఆసక్తి చూపిస్తున్నారు.
