Hot Topic: 43 ఏళ్ల స్టార్ హీరోయిన్‌తో కేజీఎఫ్ హీరో రొమాన్స్..!!
దిశ, సినిమా: కేజీఎఫ్-2 వంటి అరివీర భయంకర హిట్ తర్వాత హీరో యష్ టాక్సిక్ సినిమాతో ప్రేక్షకుల ముందుకు రావడానికి సిద్ధమవుతున్నాడు. ఈ చిత్రానికి గీతూ మోహన్ దాస్ దర్శకత్వం వహిస్తున్నారు. ఈ మూవీ నుంచి విడుదలైన టైటిల్ పోస్టర్ ప్రేక్షకుల్లో భారీ హైప్ ను క్రియేట్ చేసింది. ఈ ఏడాది ఏప్రిల్ 10 వ తేదీన థియేటర్లలో గ్రాండ్ రిలీజ్ అవ్వనున్న ఈ సినిమా నుంచి మేకర్స్ బ్యాక్ టు బ్యాక్ షెడ్యూల్స్ చేస్తూ.. మూవీ కంప్లీట్ చేసేలా సన్నాహాలు చేస్తున్నారు.
అయితే తాజాగా ఈ మూవీ నుంచి ఓ క్రేజీ అప్డేడ్ సోషల్ మీడియాలో చక్కర్లు కొడుతోంది. దర్శక, నిర్మాతలు.. బాలీవుడ్ స్టార్ హీరోయిన్ కరీనా కపూర్‌ ను ఇందులో హీరోయిన్ గా ఫిక్స్ చేసినట్లు టాక్ వినిపిస్తుంది. ఇప్పటికే కరీనా ను అప్రోచ్ అయినట్లు, ఈ మూవీలో నటించేందుకు కరీనా గ్రీన్ సిగ్నల్ కూడా ఇచ్చినట్లు నెట్టింట జోరుగా చర్చించుకుంటున్నారు. ఈ వార్త కనుక నిజమైతే సౌత్ లో కరీనాకపూర్ కు మొదటి సినిమా అవుతోంది. ఇటీవల నేచురల్ బ్యూటీ సాయిపల్లవి కూడా ఈ చిత్రంలో నటించబోతుందని సోషల్ మీడియాలో చర్చించారు.
