Prabhas : ప్రభాస్ ‘సలార్’కు బిగ్ షాక్..

దిశ, సినిమా: అభిమానులు ఎప్పుడెప్పుడు రిలీజ్ అవుతుందా అని ఎదురుచూస్తున్న పాన్ ఇండియన్ మూవీ ‘సలార్‘. ప్రభాస్ హీరోగా, ప్రశాంత్ నీల్ దర్శకత్వంలో తెరకెక్కుతున్న ఈ సినిమాపై ఫ్యాన్స్‌కు అంచనాలు తారాస్థాయిలో ఉన్నప్పటికీ మేకర్స్ డిజప్పాయింట్ చేస్తూనే ఉన్నారు. ఈ నెల 28న అన్ని ప్రాంతీయ భాషల్లో విడుదల కానుందని ప్రకటించి.. కొన్ని కారణాల వల్ల వాయిదా వేశారు. ఇదిలా ఉంటే ముందుగా అనుకున్న డబ్బులు ఇవ్వబోమని.. తగ్గించాలని బయ్యర్స్ నుంచి మూవీ టీమ్‌కు ఒత్తిడి మొదలైనట్లు తెలుస్తుంది.

మేకర్స్ సర్దిచెప్పే ప్రయత్నం చేస్తున్నా ఒప్పుకోవడం లేదని టాక్. అంతేకాదు ఈ చిత్రాన్ని సంక్రాంతికి విడుదల చేయాలని రెండు తెలుగు రాష్ట్రాల్లో ఉన్న బయ్యర్స్ నిర్మాతలను ఒత్తిడి చేస్తున్నారు. కానీ నిర్మాతలు మాత్రం మార్చి 22న విడుదల చేసే ప్లాన్‌లో ఉన్నారు. దీంతో ముందుగా ఈ చిత్రం AP, తెలంగాణ హక్కులు రూ. 160 కోట్లు పలకగా.. మార్చి 22న రిలీజ్ అయితే మాత్రం రూ. 120 కోట్లు మాత్రమే ఇస్తామని అంటున్నారు. మరి మేకర్స్ ఏం డిసైడ్ అవుతారో చూడాలి.