హీరో విక్రమ్ ‘తంగలాన్’ నుంచి అదిరిపోయే అప్డేట్.. థియేటర్స్‌లో రిలీజ్ ఎప్పుడంటే?
దిశ, సినిమా: కోలీవుడ్ హీరో విక్రమ్, పా రంజిత్ కాంబోలో వస్తున్న తాజా చిత్రం ‘తంగలాన్’. దీనిని స్టూడియో గ్రీన్, నీలమ్ ప్రొడక్షన్స్‌పై కేఈ జ్ఞానవేల్ రాజా ఈ చిత్రాన్ని భారీ బడ్జెట్‌తో తెరకెక్కిస్తున్నాడు. ఇందులో తిరువోరు, పశుపతి, హరి కృష్ణన్, అన్బుదురై వంటి వారు ప్రధాన పాత్రలో కనిపించనున్నారు. ఇప్పటికే తంగలాన్ నుంచి విడుదలైన పోస్టర్స్, టీజర్ ప్రేక్షకులు ఆకట్టుకుంటున్నాయి. అయితే ఈ సినిమా పిరియాడికల్ యాక్షన్ మూవీ కావడంతో ప్రేక్షకులు ఎప్పుడెప్పుడు థియేటర్స్‌లో విడుదలవుతుందా అని ఎంతో ఆసక్తిగా ఎదురుచూస్తున్నారు.
ఈ క్రమంలో.. తాజాగా, తంగలాన్ నుంచి ఓ అప్డేట్ విడుదలై విక్రమ్ ఫ్యాన్స్‌ను సర్‌ప్రైజ్ చేసింది. తంగలాన్ మూవీ ఆగస్ట్ 15న థియేటర్స్‌లో గ్రాండ్‌గా విడుదల కాబోతున్నట్లు సమాచారం. అయితే ఈ తేదీన ఇప్పటికే రామ్ పోతినేని డబల్ ఇస్మార్ట్ రిలీజ్ కానుంది. అలాగే ఆగస్ట్ 15న ఫిక్స్ చేసిన పుష్ప కూడా డిసెంబర్‌కు వాయిదా పడటంతో తంగలాన్ రిలీజ్‌కు మేకర్స్ ఈ తేదీని ఫిక్స్ చేశారు. ప్రస్తుతం దీనికి సంబంధించిన పోస్టర్ నెట్టింట వైరల్ అవుతోంది. దీంతో ఈ విషయం తెలిసిన ఫ్యాన్స్ ఆనందపడుతున్నారు.
