విడుదలకు ముందే 'ఆదిపురుష్' కు అరుదైన గౌరవం

దిశ, వెబ్ డెస్క్: బాహుబలితో ప్రపంచ వ్యాప్తంగా అభిమానులను సంపాదించుకున్న ప్రభాస్.. ఇప్పుడు ఓం రౌత్ దర్శకత్వంలో మైథాలిజికల్ మూవీ ఆదిపురుష్ తో తన అదృష్టాన్ని పరీక్షించుకునేందుకు సిద్ధం అవుతున్నాడు. రామాయణం ప్రధాన కథాంశంతో వస్తున్న ఈ మూవీలో ప్రభాస్ రాముడిగా, కృతి సనన్ సీతగా, లక్ష్మణుడిగా సన్నీసింగ్, హనుమంతుడిగా దేవ్ దత్తా నాగే కనిపించబోతున్నారు. జూన్ 16న ఈ సినిమాను ప్రపంచ వ్యాప్తంగా విడుదల చేయనున్నట్లు ఇటీ వలే చిత్ర బృందం ప్రకటించింది.

అయితే.. విడుదలకు ముందే ఆదిపురుష్ ఓ గ్లోబల్ స్టేజ్ పై ప్రీమియర్ కాబోతోంది. న్యూయార్క్ లో జరగబోయే ట్రిబెకా ఫెస్టివల్ లో ఆదిపురుష్ ప్రీమియర్ ప్రదర్శించనున్నారు. జూన్ 7 నుంచి 18 వరకు జరగబోయే ఈ ఫిలిం ఫెస్టివల్ లో ఆదిపురుష్ ను జూన్ 13న ప్రదర్శించనున్నారు. అక్కడ ప్రీమియర్ పూర్తైన మూడు రోజులకు ప్రపంచ వ్యాప్తంగా రిలీజ్ కానుంది. విడుదలకు ముందే గ్లోబల్ స్టేజ్ పై ఆదిపురుష్ ప్రదర్శిస్తుండడం ఆ సినిమాకు, రెబల్ స్టార్ ప్రభాస్ కు దక్కిన అరుదైన గౌరవమే.