తండ్రికి తగ్గ తనయుడు కేటీఆర్ : గంగుల

దిశ ప్రతినిధి, కరీంనగర్ : తెలంగాణ ముఖ్యమంత్రిగా కేటీఆర్ సమర్ధుడేనని మంత్రి గంగుల కమలాకర్ అన్నారు. కరీంనగర్ జిల్లా ఎల్ఎండీ కాలనీలో ఆయన మీడియాతో మాట్లాడుతూ.. పాలనాపరంగా కేటీఆర్ మంచి అనుభవం సాధించారన్నారు. సమీప భవిష్యత్తులో సీఎం కేసీఆర్ ఏ నిర్ణయం తీసుకున్నా అందుకు కట్టుబడి ఉంటామని గంగుల ప్రకటించారు.

కేటీఆర్‌కు ముఖ్యమంత్రి అయ్యే అర్హత ఉందని గంగుల స్పష్టంచేశారు. కేటీఆర్ తండ్రికి తగ్గ తనయుడేనని ఆయన కితాబిచ్చారు. కేటీఆర్ సీఎం అయ్యే విషయం టీఆర్ఎస్ అంతర్గత వ్యవహారమని, ఇప్పుడు అవసరం లేని చర్చ అని స్పష్టంచేశారు.