కరోనాతో పీఎసీఎస్ చైర్ పర్సన్ మృతి

దిశ, సిద్దిపేట: మెదక్ జిల్లా చిన్నశంకరం పేట మండలం మడూరు పీఎసీఎస్ చైర్ పర్సన్, ఖాజాపూర్ మాజీ సర్పంచ్ తిగుళ్ల విజయలక్ష్మి కరోనాతో మృతి చెందారు. ఈమేరకు ఆమె కుటుంబ సభ్యులు వెల్లడించారు. గత పది రోజులుగా అనారోగ్యంతో హైదరాబాద్ ఆస్పత్రిలో చికిత్స పొందుతున్న ఆమె మంగళవారం తుది శ్వాస విడిచారు. తెలంగాణ ఉద్యమంలో టీఆర్‌ఎస్ తరుపున కీలకంగా వ్యవహరించిన ఆమె మృతి పట్ల పార్టీ నేతలు దిగ్ర్భాంతి వ్యక్తం చేశారు.