కవిమాట: ఒక ద్వారం తెరుచుకుని..

ఓడిపోవటం మరణించడం కాదు

చతికిలబడటం అసలే కాదు

మరోమారు ఇంకా శ్రద్ధగా

ఏకాగ్రతగా మొలకెత్తడం

గెలవటమేమో సంయమనంగా

సమతుల్యంతో పరిమళించడం!

ఒకే రంగులుండవు ప్రకృతిలో

వైవిధ్యాల అమరికలు అనన్యం

గెలుపు ఓటముల సుడిగుండాల్లో

ఏదైనా ఒక దారం పట్టుకుని వెళ్ళగలిగితే-

ఎన్నో ప్రపంచాలు తెర తీసుకుంటాయ్!

వేసే అడుగులు

దార్శనికపుటద్దాలు తొడగకపోతే

అల్లకల్లోలపు రొంపిలో పడి

పశ్చాత్తాపపు కాలువలో కొట్టుకుపోతాం

పొరపాట్ల ఆటుపోట్లు ముంచెత్తకముందే

మనిషి బుద్ధితో మనసుతో వినగలిగిన్నాడు

సరళత్వాన్ని పుణికిపుచ్చుకుంటాడు

గొప్ప వ్యవస్థను నిర్మిస్తాడు!

- రఘు వగ్గు

79782 45215