- తెలంగాణ
- ఆంధ్రప్రదేశ్
- సినిమా
- గాసిప్స్
- క్రైమ్
- లైఫ్-స్టైల్
- ఎడిట్ పేజీ
- రాజకీయం
- జాతీయం-అంతర్జాతీయం
- బిజినెస్
- వాతావరణం
- స్పోర్ట్స్
- జిల్లా వార్తలు
- సెక్స్ & సైన్స్
- రాశి ఫలాలు
- ప్రపంచం
- ఎన్ఆర్ఐ - NRI
నా తెలంగాణ.. ఉద్యమాలకు చిరునామా..!
సమరానికి తైలమై ఉద్యమానికూపిరై
వందల మంది పన్నెండొందల మంది..
ఆత్మార్పణ చేసినారు చరిత్రలో వెలిగినారు
తెచ్చుకున్న తెలంగాణ సాధించిందేమున్నది
అప్పుల కుప్ప దప్ప అభివృద్ధి ఎక్కడుంది
రెచ్చగొడితే ఉరికిపోయి ఉద్యమాల్లో దుంకినారు
తెలంగాణ సాధనలో ముందుండి పోరినారు
తెలంగాణ ఆంధ్రంటు తన్నుకొని సచ్చినారు
తెలంగాణ వొస్తే మాకు ఉద్యోగాలొస్తయని
ఆశపడ్డ యువత నాడు తెగించి నడిచింది
వీరుడు శ్రీ కాంత చారి, కానిస్టేబుల్ కిష్టయ్య
సిరిపురం యాదయ్య, అమరుడు ఇషాంత్ రెడ్డి
మీగడ సాయికుమార్ యాదవ్, వేణుగోపాల్ రెడ్డి
అణిచివేత, నిర్భందం, బానిసత్వ బంధనాలు
ఎన్నాళ్ళని ఎన్నేళ్ళని ఉద్యమకారులంతా
కీలకంగా మారినారు ధూం ధాం నడిపినారు
నీళ్ళు, నిధులు, నియమాలు ఉద్యమ ఎజెండాగా
సాగిన పోరాటంలో సకల జనులు ఒక్కటై..
సైనికులై సాగినారు మిలియన్ మార్చ్ జరిపినారు
ప్రాణాలను సైతం తెలంగాణ కు ఆహుతిచ్చినారు
మంటల్లో కాలుతున్న ఆగలేదు తెలంగాణ నినాదం
సాగరతీరంలోన మానవహారం నిర్వహించి
సకలజనుల సమ్మెలోన సబ్బండ వర్ణాలైన
ఉద్యోగులు,కార్మికులు,వృత్తినిపుణులంతా
యువజన విద్యార్థులు న్యాయవాదులంతా
పిడికిలిఎత్తి కదిలినారు ఉద్యమం చేసినారు
అలుపెరుగని జేఏసీ పోరాట శిఖరమై..
మలి దశ ఉద్యమం ప్రళయ సింధువైంది
అమరుల త్యాగాలే అక్షర సత్యం..
సాధించిన స్వరాష్ట్రం మీకే అంకితం
మీ ఆశయ దారిలోనే మేమంతా పోరుతాము
తెలంగాణ అభివృద్ధికి పాలకుల ప్రశ్నిస్తం
-గడ్డమీది చంద్రమోహన్ గౌడ్
98665 10399
- Tags
- Poem