ఆమె

ఆమె కథలెన్నో చెబుతుంది

తన కథేంటో ఎపుడూ చెప్పదు

తన కళ్ళల్లో తన కథని

చదివేవారి కోసం

ఆమె ఎదురుచూస్తుంది

మనమెప్పుడూ చూసి ఉండని

అందమైన రంగులతో

సహజాతి సహజంగా

మెరిసిపోయే అపూర్వ

కళాఖండం ఆమె !

ఆమె తనకు తానే

ఓ అందమైన కవిత్వం

పగిలిన హృదయాల్లోంచి

అందమైన పదాలు

ఏరుకొని రాసే కలం ఆమె...

తారలు మాట్లాడతాయని

మీకు తెలుసా

ప్రతి రాత్రి ఎన్నో

అందమైన కథలని

ఆమె కళ్ళ ద్వారా వినిపిస్తాయి!!

హిమజ

94414 92737