సింహం ముక్కు గిల్లిన చిన్నారి.. త‌దేకంగా చూసిన సింహం ఇలా..! (వీడియో)
దిశ, వెబ్‌డెస్క్ః పుట్టిన త‌ర్వాత పిల్లల‌కు నచ్చే రూపాల్లో జంతువులు ప్రత్యేకంగా నిలుస్తాయి. వాళ్లు ప్రాథ‌మికంగా జంతువుల గురించి చదువుతారు, అలాగే వాటి చిత్రాలను చూసి, ఆనందిస్తుంటారు. జంతువుల పట్ల ఆకర్షితులవుతారు కానీ అవి ప్రమాదకరం అని అర్థం చేసుకోలేని అమాయ‌క‌త్వం పిల్ల‌ల‌ది. ఇంట‌ర్నెట్‌లో ఇలా క్రూర మృగాల‌తో, విష జంతువుల‌తో ఆడుకునే పిల్ల‌ల వీడియోలు చాలానే చూస్తుంటాము. ఇలాంటి కోవ‌లోనే, ఓ పసికందు సింహాన్ని స్వచ్ఛమైన ప్రేమతో చూస్తూ ఆడుకోవడానికి ప్రయత్నిస్తుంటాడు. దాని ముక్కు ద‌గ్గ‌ర వేలుపెట్టి పీక‌డానికి ప్ర‌య‌త్నిస్తాడు. అయితే, అంత ప్ర‌మాద‌మేమీ జ‌ర‌గ‌లేదు. ఆ సింహం గ్లాస్ వెనుక ఉంది. జూలోని ఎన్‌క్లోజ‌ర్‌లో కూర్చొని ఉంటుంది. 'nature___.beauty' అనే ఇన్‌స్టాగ్రామ్ పేజీలో పోస్ట్ చేసిన ఈ రీల్‌ మిలియన్ల కొద్దీ వ్యూవ్స్ పొందుతోంది. ఈ బుడ్డోడి ధైర్యాన్ని మీరూ చూడండి..
