Fish Head: చేప తలకాయ తింటున్నారా?.. అయితే ఈ విషయాలు తప్పక తెలుసుకోవాల్సిందే!
దిశ, ఫీచర్స్: బేసిక్‌గా చాలా మంది చేపలను చాలా ఇష్టంగా తింటూ ఉంటారు. వీటిని తినడం వల్ల టేస్ట్‌తో పాటు మన శరీరానికి ఎన్నో పోషకాలు అందేలా చేస్తుంది. దీంతో మనం ఆరోగ్యంగా ఉంటాం. అయితే చాలామంది చేప ముక్కలతో పాటు దాని తలను కూడా తింటూ ఉంటారు. ఇక మన శరీరానికి కావాల్సిన పోషకాలను అందజేసే ఆహారంలో చేపలు ముఖ్య పాత్రను పోషిస్తాయి. శాఖాహారులను మినహాయించి మాంసాహారుల విషయానికి వస్తే చేపలు శరీరానికి మంచి ఆరోగ్య ప్రయోజనాలను చేకూరుస్తాయి. అయితే చేపలను తినేవారు ప్రత్యేకించి చేప తలకాయను కూడా ఎంతో ఇష్టంగా వండుకొని తింటూ ఉంటారు. అయితే అసలు చేప తలకాయ తినడం మంచిదేనా? దీనిని తినడం వల్ల ఎటువంటి ఆరోగ్య ప్రయోజనాలు కలుగుతాయో ఇప్పుడు మనం తెలుసుకుందాం.
చేప తలను తినడం వల్ల కలిగే ప్రయోజనాలు:
*చేప తలకాయలలో విటమిన్ ఎ, ఒమేగా త్రీ ఫ్యాటీ ఆమ్లాలు పుష్కలంగా ఉంటుంది. కాబట్టి చేప తలకాయ తినడం వల్ల మీరు ఆరోగ్యంగా ఉంటారు.
*ముఖ్యంగా పిల్లలు, వృద్ధులు చేప తలను తినడం వల్ల వీరికి మంచి ప్రయోజనాలు చేకూరుతాయి.
*అలాగే చేప తలకాయ తినడం వల్ల కంటి సంబంధిత సమస్యలు తొలగిపోతాయి.
*అదే విధంగా తరచుగా మతిమరుపుతో బాధపడేవారు చేప తలను తింటే మతిమరుపు తగ్గి.. మెదడు పదునుగా మారి ఏదైనా సరే గుర్తుంచుకోగలిగిన సామర్థ్యం కూడా పెరుగుతుంది.
*అంతేకాదు చాలామంది కిడ్నీలో రాళ్లతోటి బాధపడుతూ ఉంటారు. ఇటువంటి వారు చేప తలకాయ తినడం వల్ల ఈ సమస్య నుంచి బయటపడవచ్చు. ఎందుకంటే చేపలలో మన శరీరానికి పనికివచ్చే అనారోగ్యాలను దూరం చేసే ఎన్నో గొప్ప గుణాలు ఉన్నాయి.
*కాబట్టి చేపతల తినొచ్చా లేదా అన్న డౌట్స్ పెట్టుకోకుండా ఎంచక్కా తినేయండి.
