ఆయనొక కొత్త ట్రెండ్ సెట్ట‌ర్: మంత్రి ఎర్ర‌బెల్లి

దిశ, పాలకుర్తి: కేటీఆర్ రాజ‌కీయాల్లో ఓ కొత్త ట్రెండ్ సెట్ట‌ర్ అని, యూత్ ఐకాన్ గా అంద‌రినీ ఆక‌ర్షిస్తున్నార‌ని మంత్రి ఎర్ర‌బెల్లి ద‌యాక‌ర్ రావు కొనియాడారు. కేటీఆర్ జ‌న్మ‌దినం సంద‌ర్భంగా శుక్ర‌వారం మంత్రి ఎర్ర‌బెల్లి జ‌న‌గామ జిల్లా పాల‌కుర్తి మండ‌లం బ‌మ్మెరలోని క‌వి బ‌మ్మెర పోత‌నా మాత్యుని మందిరం ఆవ‌ర‌ణ‌లో మొక్కలు నాటారు. ఈ సంద‌ర్భంగా మంత్రి మాట్లాడుతూ కేటీఆర్ మంత్రిగా, టీఆర్ఎస్ వర్కింగ్ ప్రెసిడెంట్ గా స‌క్సెస్ అయ్యార‌న్నారు. ఇప్పుడు రాజ‌కీయాల్లోకి రావాల‌నుకునే యూత్ కి ఐకాన్ గా మారార‌న్నారు. సంప్ర‌దాయ కాజ‌కీయాల‌కు భిన్నంగా త‌న‌దైన శైలిలో త‌న కార్య‌దీక్షాద‌క్ష‌త‌ను చాటుకుంటున్నార‌ని కొనియాడారు. కేటీఆర్ రాజ‌కీయ జీవితం సుదీర్ఘంగా సాగాల‌ని, నిండూ నూరేళ్ళు ఆయ‌న ఆయురారోగ్యాల‌తో ఉండాల‌ని కోరుకున్నారు. ఈ కార్య‌క్ర‌మంలో స్థానిక ప్ర‌జాప్ర‌తినిధులు, నేత‌లు పాల్గొన్నారు.